सोमबार, फागुन ५, २०७६
    स्वास्थ्य

    कुन रंगको नङले कस्तो रोगको संकेत गर्छ ?

    सोमबार, २१ पौष २०७६, आहाखबर

    काठमाडाैं, २१ पुस

    पुरुषमा भन्दा शौन्दर्यको हिसावले महिलाहरुमा नङको बढि महत्व हुन्छ । त्यसैले पनि महिलाहरुले नङमा विभिन्न किसिमका पालिस लगाएर यसलाई आकर्षक बनाउने गरिरहेका हुन्छन ।

    नङले हाम्रो औँलाको शोभा बढाउनुको साथसाथै अर्को महत्वपूर्ण काम पनि गरिरहेको हुन्छ । नङले हामीलाई हाम्रो शरीरमा विकास भइरहेको रोग तथा शारीरिक समस्याको संकेत दिइरहेको हुन्छ । आफ्नो नङको रंग र आकारअनुसार रोग पत्ता लगाउन सकिन्छ । यसलाई बुुझ्न सके सम्भावित रोगलाई समयमा नै रोकथाम गर्न सकिन्छ ।

     

    गाढा निलो

    नङको रंग गाढा निलो देखिएमा विलसन्स डिजिज, रेनाउड्स डिजिज, सेप्टिसेमिया, फोक्सो तथा स्वप्रस्वास सम्बन्धी रोगहरु जस्ता रोगहरुको संकेत गरिरहेको हुन्छ । यसले शरीरमा आवश्यक मात्रामा अक्सिजन पुगेको छैन भन्ने पनि बुझाउँछ ।

     

    कालो

    कालो रंगको नङले एनेमियाको संकेत गर्छ । त्यस्तै यसले ब्याक्टेरियल इन्फेक्सन, मृगौला सम्बन्धी रोग, एड्रिनल समस्या, कलेजोको समस्या तथा ट्रमाको पनि संकेत गरिरहेको हुन्छ ।

     

    पहेँलो र बाक्लो नङ

    नङको आकार मोटो हुँदै गएको छ, तर लम्बाइ भने बढ्न छोडेको छ भने फोक्सोमा समस्या हुन सक्छ । यो बेला नङको रंग पहेँलो हुन थाल्छ ।

     

    पातलो र फुट्नु

    नङ निकै पातलो हुँदै गएको छ र पानीमा हात डुबाउँदा नङ टुक्रिनेरचिरिने, रुखो देखिने भएको छ भने थाइराइड टेस्ट गर्नुहोस् । उच्च अवस्थाको थाइराइड नङको जराबाट पनि निस्किन सक्छ ।

     

    फिका र सेतो

    नङको रंग आधा फिका र आधा सेतो देखिएको छ भने जान्नुहोस् कि तपाईमा मृगौला, कलेजोको समस्या तथा एनेमिया पनि हुन सक्छ । रगतमा ‘रेड ब्लड सेल’ कम बनिरहेको अवस्थामा यस्तो संकेत देखिन्छ । यस्तो बेला अत्यधिक आइरन पाइने खानेकुराको जरुरत पर्छ ।

     

    धेरै रातो

    धेरै रातो नङले सम्भावित ब्रेन ह्यामरेजको पनि संकेत गरिरहेको हुन सक्छ । नङको रंग धेरै रातो देखिन थालेको छ भने हाई ब्लडप्रेसर तथा मुटु सम्बन्धी रोगको संकेत देखिएको हुन सक्छ । यस्तो बेला मुटु धेरै जोखिममा रहेको हुन्छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast