सोमबार, चैत्र २४, २०७६
    अावास-निर्माण

    पाल्पामा भूकम्पले भत्काएका ४३ भवन निर्माण

    मंगलवार, ८ पौष २०७६, आहाखबर
    रामपुर, पुस ८
     
    पाल्पामा भूकम्पले भत्काएका ४३ विद्यालय भवन पुनःनिर्माण भएको छ । पुनःनिर्माण प्राधिकरण जिल्ला आयोजना कार्यान्वयन एकाइले पाल्पा जिल्लामा क्षति पुगेका १३० विद्यालयमध्ये ४३ वटा निर्माण भएको जनाएको हो । विसं २०७२ को भूकम्पले भत्काएका भवन निर्माण गर्न रु २५ करोड तीन लाख २६ हजार खर्च भएको एकाइ प्रमुख लक्ष्मण देवकोटाले जानकारी दिनुभयो । तीन वर्षको अवधिमा पहिलो चरणमा १२, दोस्रो चरणमा १० र तेस्रो चरणमा २१ वटा विद्यालय भवन बनेको छ । 
     
    जिल्लामा भूकम्पले क्षति पु¥याएका अझै १५ वटा भवन निर्माणको अन्तिम चरणमा पुगेको छ । एकाइले आव २०७३÷०७४ देखि ०७५÷०७६ सम्मको अवधिमा तीन  चरणमा निर्माणकार्य गरेको  जनाएको हो । प्राधिकरणले तोकेको मापदण्डअनुसार नै भवन निर्माण भएको एकाइले जनाएको छ । यसअवधिमा जिल्लामा चारकोठे भवनका निम्ति रु ७० लाख ४० हजार, तीनकोठे भवनका लागि रु ३५ लाख ८० हजार र दुई कोठाका लागि रु २३ लाख ९० हजार अनुदान दिएको छ ।
     
    प्राधिकरणमा ६५० विद्यालय कोठामा क्षति पुगेको तथ्याङ्क छ । जिल्लामा अझै पनि विद्यार्थीको सङ्ख्या बढी भएर पठनपाठनमा समस्या भएको भन्दै अझै पनि कोठाको माग छ । जिल्लामा भूकम्पले विद्यालय भवनमा क्षति पु¥याउँदा कतिपय विद्यार्थी बर्सात् र गर्मीको समयमा घामपानीले पारेको समस्याका बाबजुद पनि शिक्षा लिन बाध्य भएका थिए । विद्यालय भवन निर्माणका लागि जिल्लाका विभिन्न विद्यालयले अझै पनि भवनको माग गरेका छन् ।
    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast