बिहिवार, चैत्र २०, २०७६
    अावास-निर्माण

    रंगशाला बनाउने खर्च जुटाउन धुर्मुसले खोले ठेला पसल

    मंगलवार, १ पौष २०७६, आहाखबर

    काठमाडौं, १ पुस ।

    चितवनमा गौतम बुद्ध अन्तर्राष्ट्रिय क्रिकेट रंगशाला निर्माणमा खर्च जुटाउन धुर्मुस-सुन्तली फाउन्डेसनले ठेला पसल पनि खोलेको छ । 

    ठेला पसलमा बदाम, पानी, स्याउ, सुन्तला र म:म बेच्न राखिने फाउन्डेसनका प्रमुख सीताराम कट्टेल 'धुर्मुस' ले बताए ।

    आइतबार सुरू ठेला पसलबाट संकलन भएको सबै पैसा रंगशाला निर्माणमा खर्च गर्ने उनको भनाइ छ । 

    ठेलाबाट धेरै पैसा संकलन हुने अपेक्षा भने धुर्मुसलाई छैन । यो एउटा सन्देश फैलाउन महत्वपूर्ण हुने उनले बताए । ‘मूलभुत कुरा सन्देश फैलियोस् भन्ने हो,’ उनले भने, ‘दाजुभाइ-दिदीबहिनीहरूकै सहयोगमा हामी रंगशाला बनाउँदैछौं। उहाँहरूले रंगशालालाई अपनत्व लिनुहुनेछ ।’

    रंगशालानजिकै भ्यू टावरछेउ ठेला पसल राखिएको उनले जानकारी दिए । 

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast