आईतवार, माघ १२, २०७६
    खेल संसार

    स्थानीय उत्साही

    सागका पदक विजेता खेलाडीलाई धुमधामकासाथ नगरपरिक्रमा (फोटो फिचर)

    शुक्रबार, २७ मंसिर २०७६, आहाखबर
    तेह्रौँ दक्षिण एशियाली खेलकूद (साग) का पदक विजयी खेलाडीलाई शुक्रबार काठमाडौँमा नगर परिक्रमा गराइँदै । खेलाडीहरुलाई त्रिपुरेश्वर, न्युरोड, इन्द्रचोक र रत्नपार्कलगायत क्षेत्रको परिक्रमा गराइएको थियो । तस्बिर : रोशन सापकोटा/रासस

    काठमाडौँ, २७ मङ्सिर । 

    राष्ट्रिय खेलकूद परिषद् राखेपले तेह्रौँ दक्षिण एशियाली खेलकूद साग का पदक विजेता खेलाडीलाई नगर परिक्रमा गराएको छ ।

    उनीहरुलाई काठमाडौँ र ललितपुरका विभन्न ठाउँमा परिक्रमा गराइएको हो । उपत्यकाका तीनवटै नगर परिक्रमा गराइने भनिए पनि झरीका कारण भक्तपुर नगर परिक्रमा भने गराइएन ।

     

    सागका विजेता खेलाडी, प्रशिक्षक र खेल पदाधिकारीलाई विभिन्न सवारीसाधनमा राखेर त्रिपुरेश्वरस्थित दशरथ रङ्गशालादेखि नयाँ सडक, इन्द्रचोक, जावलाखेल, लगनखेल, कोटेश्वर, तीनकुने, नयाँ बानेश्वर, बबरमहल हुँदै पुनः रङ्गशाला पु¥याइएको थियो ।

    बिहान ११ बजेदेखि नगर परिक्रमा गराइने भनिए पनि वर्षाका कारण झण्डै दुई घण्टा ढिला भएको थियो । 

    साग पदाधिकारीलाई राखेप परिसरमा नेपाल ओलम्पिक कमिटीका अध्यक्ष जीवनराम श्रेष्ठ, राखेप सदस्यसचिव रमेशकुमार सिलवाललगायतले फूलमाला तथा अबिर लगाएर नगर परिक्रमाको शुरुआत गर्नुभएको थियो । 

    सरकारले यसअघि सागका स्वर्ण विजेतालाई रु नौ लाख, रजत विजेतालाई रु छ लाख र कास्य जित्नेलाई रु तीन लाखका दरले पुरस्कार दिने घोषणा गरेको थियो ।

    तेह्रौँ सागमा नेपालले ५१ स्वर्ण, ६० रजत र ९५ कास्यसहित २०६ पदक जितेको थियो । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast