बिहिवार, माघ ९, २०७६
    स्वास्थ्य

    भान्सामा औषधी : ग्यास्ट्रिकबाट छुटकारा र क्यान्सर भगाउन मरिच उपयोगी

    शुक्रबार, २० मंसिर २०७६, आहाखबर

    काठमाडौँ, २० मङ्सिर 

    मरिचलाई खानाका परिकारमा मात्रै नभएर विभिन्न घरेलु औषधिका रुपमा पनि प्रयोग गर्न सकिन्छ । पेट, छाला र हाडसँग जोडिएका समस्याहरुका लागि मरिच धेरै नै प्रभावकारी मानिन्छ ।

     

    यी हुन् मरिचका फाइदा

    मरिचको सेवनले पेटको दुखाई कम गर्न मद्दत गर्छ । मरिचमा हुने एन्टीब्याक्टेरियल गुणले पेटमा हुने इन्फेक्सनबाट बचाउँछ ।

    मरिचको नियमित सेवनले शरीरको मोटोपना नियन्त्रण गरी तौल कम गर्न मद्दत गर्छ । त्यस्तै, कब्जियत तथा ग्यास्ट्रिक सम्बन्धी समस्याबाट छुटकारा पाउन पनि मरिच लाभदायी मानिन्छ ।

    क्यान्सरका बिरामीले यसको नियमित सेवन गर्नाले फाइदाजनक हुन्छ । मरिचमा क्यान्सरका सेल तथा कोशिका नष्ट गर्ने तथा रोग प्रतिरोधात्मक क्षमता बढाउने गुण हुन्छ ।

    तर मरिचको ज्यादा सेवनले भने हाडजोर्नीमा समस्या निम्त्याउन सक्छ ।

    तपाईंका आँखा कमजोर छन् भने मरिच पिसेर धूलो बनाउनुस् अनि घिउसँग यसलाई मिसाएर नियमित सेवन गर्नुस् । यसो गर्दा आँखा तेजिलो हुन्छ ।

    पेटमा कीरा परेका छन् भने अलिकति मरिचको धूलो एक गिलास मोहीमा घोलेर पिउनुस् । अर्को उपाय भनेको दिनमा तीनचोटि मरिच किसमिससँग मिसाएर खानुस् ।

    पाइल्सको समस्या छ भने मरिच उत्तम औषधी हो । जिरा, चिनी र मरिचका दानाहरूलाई पिँधेर धूलो बनाउनुस् अनि बिहान बेलुका तीनचोटि खानुस् । यो खाँदाखेरी जंक फूड तथा तेल हालेको खानेकुरा नखानुस् ।

    साससम्बन्धी समस्या छन् भने पुदिनाको चियामा मरिच हालेर पिउनुस् ।

    मरिच चपाउने गर्दा अनुहारका दागधब्बा र रोग निको हुन्छन् ।

    भुल्ने बानी छ भने महमा मरिचको धूलो हालेर दिनमा दुईचोटि खानुस् ।

    दाँत दुखेको वा बिग्रेको छ भने मरिचले फाइदा गर्छ । पाइरिया भएको छ भने मरिचको धूलोमा नून हालेर दाँतमा दल्नुस्, ठीक हुन्छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast