सोमबार, माघ १३, २०७६
    खेल संसार

    बुद्धिको स्वर्णले तोड्यो देशकै मेडल रेकर्ड, स्वर्णमा ऐतिहासिक संख्या थपियो

    बिहिवार, १९ मंसिर २०७६, आहाखबर

    काठमाडौँ, १९ मङ्सिर 

    १३औं दक्षिण एसियाली खेलकुद (साग) मा बुद्धिबहादुर तामाङले साइक्लिङमा स्वर्ण पदक जितेका छन् । 
    साइक्लिङबाट नेपालले जितेको यो चौथो स्वर्ण पदक हो । 

    नेपालका बुद्धिबहादुर तमाङले गोकर्णेश्वर नगरपालिकास्थित राष्ट्रिय सहिद एवम् शान्ति पार्कमा बिहीबार दिउँसो भएको फाइनल प्रतिस्पर्धामा स्वर्ण पदक जितेका हुन् । 

    स कन्ट्री अन्तर्गत ४ किलोमिटरको ४ ल्यापमा बुद्धिले एक घण्टा १९ मिनेट ०८ सेकेण्डको समय निकाल्दै स्वर्ण पक्का गरे। यही इभेन्टमा नेपालकै राजिव राईले रजत र नेपालकै ओकेश राज बज्राचार्यले कास्य पदक जितेका छन्। राजिवले १ घण्टा १९ मिनेट ४० सेकेण्ड र ओकेशले १ घण्टा २१ मिनेटको समय निकालेर पदक पक्का गरे ।  

    बिहिबारै महिलातर्फ नेपालकी लक्ष्मी मगरले स्वर्ण पदक जितेकी थिइन् । यही इभेन्टमा नेपालकै उषा खनालले रजत पदक जितेकी थिइन् । बुद्धिले स्वर्ण जितेपछि नेपालले साग इतिहासको एकै संस्करणमा सर्वाधिक स्वर्णको कीर्तिमान बनाएको छ । 

    नेपालले १३ औँ सागमा ३२ वटा स्वर्ण पदक जितिकसकेको छ । नेपालले सन् १९९८ मा भएको आठौं सागमा सर्वाधिक ३१ वटा स्वर्ण पदक जितेको थियो । नेपालले यो सागमा करिब ५० स्वर्णको लक्ष्य राखेको छ । 

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast