मंगलवार, माघ १४, २०७६
    राज्य-समाज

    प्रम ओलीको स्वास्थ्यमा सुधार भएसँगै हस्पिटलबाट डिस्चार्ज गर्ने तयारी

    बिहिवार, १९ मंसिर २०७६, आहाखबर

    काठमाडौँ, १९ मंसिर । 

    ९ दिनअघि त्रिवि शिक्षण अस्पतालमा भर्ना भएका र पछिल्लो समय आईसीयूमा रहँदै आएका प्रधानमन्त्री केपी शर्मा ओलीको स्वास्थ्यमा क्रमिक सुधार हुँदै गएपछि अहिले डिस्चार्जको तयारी गरिएको छ ।

    यसैबीच उपचारमा संलग्न चिकित्सकहरूले समेत केही दिन यता प्रधानमन्त्री ओलीको स्वास्थ्यमा राम्रो सुधार भइरहेको जनाएका छन् । प्रमको स्वास्थ्यमा सुधारको अवस्था यस्तै कायम रहिरहेको खण्डमा तथा अकस्मात कुनै व्यवधान नथपिए उनलाई छिट्टै डिस्चार्ज गरिने चिकित्सकहरुले बताएका छन् ।

    यस अघि प्रम ओलीलाई गत मंगलबार ‘एपेन्डिसाइटिस’ सहित पेरिटोनाइटिस समेत भएपछि मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना गरि आकस्मिक शल्यक्रिया गरिएको थियो ।

    शल्यक्रियापछि हुन सक्ने संक्रमणको जोखिमलाई मध्येनजर गर्दै उनलाई आईसीयूमै राखिएको थियो ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast