सोमबार, माघ १३, २०७६
    खेल संसार

    इंग्ल्याण्ड क्रिकेटका पूर्वकप्तान रहेनन्

    बिहिवार, १९ मंसिर २०७६, आहाखबर

    एजेन्सी, मंसिर १९

    ७० वर्षीय इंग्ल्याण्डका पूर्वक्रिकेट कप्तान बब विलिसको निधन भएको छ । इंग्ल्याण्डको टेस्ट क्रिकेटमा अहिले पनि सबैभन्दा धेरै विकेट लिने बलरमा उनी चौथो नम्बरमा छन्।

    विलिसको परिवारले लामो समय बिरामी भएपछि उनको निधन भएको जनाएको छ । ‘बवसँग छुट्नुपर्दा हामीलाई आघात परेको छ । उनी एक असाधरण पति, पिता, भाइ र हजुरबुव थिए,’ उनको परिवारले भनेको छ ।

    तीव्र गतिका बलर विलिस सन् १९८२ देखि १९८४सम्म इंग्ल्याण्ड क्रिकेटका कप्तान थिए ।  सन्  १९७१ देखि टेस्ट क्रिकेटमा डेब्यु गरेका उनले  १९८४ सम्म ९० ३२५ विकेट लिएका थिए ।

    सन् १९८१को एसेजमा उनले अष्ट्रेलियाविरूद्ध ४३ रन दिएर ८ विकेट लिएका थिए । यो उनको टेष्ट करियरकै सबैभन्दा उत्कृष्ट बलिङ थियो। एक दिवसीयतर्फ उनले ६४ म्याचमा ८० विकेट लिए ।

    सन् १९८४ मा टेस्ट क्रिकेटबाट विलिसले सन्यास लिँदा उनीभन्दा बढी विकेट लिने तीव्र गतिका बलर अष्ट्रेलियाका डेनिस लिलीमात्र थिए ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast