मंगलवार, माघ १४, २०७६
    राज्य-समाज

    सीमा विवादमा भारत ‘मौन’, नेपाल मनाउने प्रयास गर्दै

    बुधबार, १८ मंसिर २०७६, आहाखबर

    काठमाडौँ, १८ मङ्सिर

    भारतको नयाँ राजनीतिक नक्साविरुद्ध नेपालले कूटनीतिक नोट पठाएको तीन साता बितेको छ । तर भारतले अहिलेसम्म कुनै जवाफ दिएको छैन । 

    बुधबार सीमा बचाऔं अभियानका प्रतिनिधिहरुसँग भएको भेटमा परराष्ट्रमन्त्री प्रदीपकुमार ज्ञवालीले नेपालले पठाएको ‘कूटनीतिक नोट’को भारतबाट कुनै जवाफ नआएको पुष्टि गरेका हुन् ।

    भारतले नयाँ नक्सा जारी गरे लगतै विरोध गरेको नेपालले मंसिर पहिलो साता कूटनीतिक नोट पठाएको थियो । परराष्ट्र मन्त्रालयले भन्यो, ‘नेपालले पठाएको कूटनीतिक नोटको रेस्पोन्स अपेक्षित छ तर, यति नै समयमा आउनुपर्छ भन्ने चाहिँ होइन ।’

    जवाफ दिन ढिलाइ गर्नुले भारत सीमा विवादमा वार्ता गर्न इच्छुक छैन भन्ने देखिएको उनको विश्लेषण छ । भारतले नयाँ जारी गरेलगतै भारतका लागि नेपाली राजदूत निलाम्बर आचार्यले विदेश सचिवलाई भेटेर नेपालको धारणा राखेका थिए । त्यसबेला उनले दुई देशका परराष्ट्र सचिवस्तरीय संयन्त्रमा कुराकानी गरौंला भने पनि यो बैठक कहिले बस्ने टुंगो लागेको छ ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast