बिहिवार, माघ ९, २०७६
    पर्यटन समाचार

    विश्वको खतरनाक एयरलाइन्सको सूचीमा नेपालको २ एयरलाइन्स, कुन-कुन परे ?

    बुधबार, १८ मंसिर २०७६, आहाखबर

    काठमाडौँ, १८ मङ्सिर

    विश्वको खतरनाक एयरलाइन्सको सूचीमा नेपालको दुईवटा एयरलाइन्स परेका छन् । जसमा नेपालको दुर्गगम क्षेत्रमा उडान गर्दै आएको तार एयर र सरकारी स्वामित्वको नेपाल एयरलाइन्स रहेका छन् ।

    विश्वको चर्चित म्याग्जिन फोब्र्सले गरेको अध्ययनमा सन् २०१९को खतरनाक एयरलाइन्समा स्वर्गीय पर्यटन व्यवसायी आङछिरिङ शेर्पा परिवारको लगानीमा रहेको तार एयर नम्बर १ मा परेको हाे ।

    यसैगरी सरकारी स्वामित्वकै राष्ट्रिय ध्वजवाहक नेपाल एयरलाइन्स पनि खतरनाक एयरलाइन्सको सूचीमा रहेको छ । फोब्र्सले ७ वटा ताराको मापन मान्दै गरेको अध्ययनमा तारा एयर खतरनाक एयरलाइन्सको सूचीमा परेको हो । तारा एयरले ७ तारा मध्ये एक तारा मात्रै पाउँदै विश्वकाे नम्बर १ खतरनाक एयरलाइन्समा परेको फोब्र्सको अध्ययनले देखाएको छ ।

    यसैगरी दोस्रोमा नेपाल एयरलाइन्स रहेको छ भने तेस्रोमा एरियान अफगान एयरलाइन्स  परेको छ । साथै चोथौमा ब्लुइङ एयरलाइन्स, पाँचौंमा काम एयर, छैठौमा ट्रिगान एयर र सातौंमा एससिएटी रहेको फोब्र्सको अध्ययनमा उल्लखे छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast