बुधबार, मंसिर २५, २०७६
    राज्य-समाज

    डिजेल र पेट्रोलको मूल्य बढ्दै, नयाँ मुल्य कति ?

    सोमबार, १६ मंसिर २०७६, आहाखबर

    काठमाडौँ, १६ मङ्सिर

    नेपाल आयल निगमले सोमवार राति १२ बजेदेखि पेट्रोलियम पदार्थको मूल्य बढाउने तयारी गरिरहेको छ ।

    सोमवार साँझ एक विज्ञप्ति जारी गर्दै निगमले इन्डियन आयल कर्पोरेसनले १ डिसेम्बर २०१९ देखि नयाँ मूल्यमा तेल पठाएकाले मूल्य वृद्धि गर्ने तयारी गरेको हो ।

    'ईण्डियन आयल कर्पोरेशनबाट १ डिसेम्बर २०१९ मा प्राप्त नयाँ खरिद मूल्यमा केही बढेर आएकाले आज मिति २०७६।०८।१६ को राती १२ : ०० बजे देखी लागू हुने गरी नेपाल आयल निगम लिमिटेडबाट पेट्रोल र डिजल/ मट्टितेलको साविकको खुद्रा विक्री मूल्यमा प्रति लिटर रू. २।०० ले वृद्धि गरी नयाँ खुद्रा विक्री मूल्य कायम गरी समायोजन गरिएको छ,' विज्ञप्तिमा भनिएको छ ।

    जसअनुसार काठमाडौँमा पेट्रोलको मूल्य १ सय ९ प्रतिलिटर हुनेछ भने डिजल र मट्टीतेलको मूल्य ९७ प्रतिलिटर हुनेछ ।

    निगमले हवाई इन्धन र एलपी ग्यासको मूल्य भने यथावत राखेको छ ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast