बिहिवार, माघ ९, २०७६
    खेल संसार

    तेह्रौं साग : नेपाललाई तीन स्वर्ण, मण्डेकाजीले पहिलो स्वर्ण दिलाए

    सोमबार, १६ मंसिर २०७६, आहाखबर
    काठमाडौँमा आयोजित १३औँ दक्षिण एसियाली खेलकुद प्रतियोगिता कराँतेको पुरूष एकल काँतामा सोमबार विजयीपछि मन्डेकाजी श्रेष्ठ । श्रेष्ठले नेपाललाई पहिलो स्वर्ण पदक दिलाएका हुुन् ।

    काठमाडौं, १६ मंसिर । 

    तेह्रौं दक्षिण एसियाली खेलकुद सागमा नेपालले अहिलेसम्म तीन स्वर्ण पदक जितेको छ । नेपालका लागि कराँतेका खेलाडी मण्डेकाजी श्रेष्ठले कराँतेको एकल पुरुष विधामा पहिलो स्वर्ण पदक दिलाएका हुन् । 

     

    सेमीफाइनलमा पाकिस्तानका नेमतुल्लाहलाई हराएर फाइनलमा पुगेका मण्डेकाजीले स्वर्ण पदकको स्पर्धामा पनि पाकिस्तानी खेलाडीलाई नै पराजित गरे । 

     

    त्यसैगरी नेपालका लागि कमल श्रेष्ठले अर्को स्वर्ण पदक दिलाए ।कमलले भारतका राहुल जैनलाई पराजित गर्दै दोस्रो स्वर्ण दिलाएका हुन् । त्यस्तै, नेपालकी निर्मला तामाङ, सरु कार्की र संगिता मगरले टिम काँतामा स्वर्ण दिलाएका हुन् । नेपालले २४ दशमलव ८८ अंक प्राप्त गर्दा पाकिस्तान २३ दशमलव ३ अंकमा सिमित भएपछि टिम नेपाल विजयी बनेको हो ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast