मंगलवार, माघ १४, २०७६
    लाइफस्टाइल

    हुम्लामा हिमपात सुरु, कतै मस्ती त कतै सास्ती

    शुक्रबार, १३ मंसिर २०७६, - आहा खबर संवाददाता.

    हुम्ला, मङ्सिर १३ । 

    हुम्लामा यसवर्षको  हिमपात सुरु भएको छ । विशेषगरी उत्तरी हुम्लामा बिहीबार बेलुकाबाट सुरु भएको हिमपात शुक्रबार बिहानैबाट झन् बाक्लो भएको जनाइएको छ ।  

    हुम्लामा विहिबार राति ८ः०० बजेबाट हिमपात सुरु थियो भने हिमपात शुक्रबार बिहान पनि जारी नै रहेको छ ।

    यसअघिका पटक पहिला पानी परेपछि मात्रै हिउँ पर्ने गरेको भएता पनि यसपटक भने सीधै हिउँ पर्न सुरु गरेको हो । 

     

    तापक्रम माइनसमा 

    हुम्लामा हिमपात भएपछि बिहानको तापक्रम पनि माईनस तीन डिग्री पुगेको छ । हिमपात पछि हिमाल पारीको लिमी र चाला गाउँमा आवत जावत कठीन भएको छ ।

    त्यस्तै, सदरमुकाम सिमकोटमा अहिले मानिसहरु हिउँमा खेल्न र फोटो खिच्न आइपुगेका छन् ।

    अहिले विशेष गरी हुम्लाका सिमकोट गाउँपालिकाको रलिङ, पंचमुखी, चाङला हिमालमा बढी हिमपात भएको छ भने नाम्खा गाउँपालिकाको सबै क्षेत्रमा हिमपात भएको छ । 

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast