मंगलवार, माघ १४, २०७६
    अावास-निर्माण

    सामाखुशी चोक–ग्रीनल्याण्डसम्म कालोपत्रे

    बुधबार, ११ मंसिर २०७६, आहाखबर

    काठमाडौँ, ११ मङ्सिर

    सामाखुशी चोकदेखि मनोहर स्कूल हुँदै ग्रीनल्याण्डसम्मको सडकखण्ड कालोपत्रे गरिएको छ । ढल व्यवस्थापन र मेलम्ची खानेपानी आयोजनाको पाइप विच्छ्याउँदा लामो समयदेखि अस्तव्यस्त रहेको उक्त सडक कालोपत्रे गरिएको हो । 

    टोखा नगरपालिकाको रु एक करोड ३२ लाख खर्चमा उक्त सडक कालोपत्रे  गरिएको हो । काठमाडौँको उत्तरी क्षेत्र टोखा, झोर, शिवपुरी, ग्राण्डी अन्तर्राष्ट्रिय अस्पताल तथा नुवाकोटको त्रिशूली जाने बाटो बिग्रँदा लाखौँ यात्रुहरुले समस्या भोग्नुपरेको थियो । उक्त बाटोमा सामाखुशी यातायात, शिवपुरी यातायात, नुवाकोट जाने सवारी साधन र माइक्रोबस सञ्चालन हुँदै आएका छन् । 

    सामाखुशी ग्रीनल्याण्डको बाटो मर्मतसम्भार हुँदा सवारी साधन सामाखुशी चोकदेखि वसुन्धरा चौकी धापासी हाइट हुँदै ग्रीनल्याण्ड जानुपर्ने बाध्यता रहेको छ । महानगरीय ट्राफिक प्रहरी वृत्त नयाँ बसपार्कका प्रमुख, प्रहरी निरीक्षक लोकबहादुर विष्ट बाटो कालोपत्रे भएसँगै ट्राफिक व्यवस्थापनमा सहजता आउने बताउनुहुन्छ । 

    टोखा नगरपालिकाका प्रमुख प्रकाश अधिकारी ढल निर्माण र पानीको पाइप विच्छ्याउँदा बाटोमा समस्या आए पनि बाटो कालोपत्रेसँगै टोखाका जनतालाई आवतजावतमा सहजता आएको बताउनुहुन्छ । एक हप्तासम्म सबै सडक कालोपत्रे गरिसक्ने नगरपालिकाले जनाएको छ । नगरप्रमुख अधिकारी नगरपालिकाले मोटरबाटोलाई विशेष प्राथमिकता दिएको बताउनुहुन्छ । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast