मंगलवार, माघ १४, २०७६
    स्कुल-कलेज

    काठमाडौँ विश्वविद्यालयबाट १ हजार ६ सय विद्यार्थी दीक्षित हुँदै !

    बिहिवार, ५ मंसिर २०७६, आहाखबर
    बनेपा, ५ मङ्सिर
     
    काभ्रेपलाञ्चोकको धुलिखेलस्थित काठमाडौँ विश्वविद्यालयबाट उत्पादित चिकित्सा विधाका स्नातक र स्नातकोत्तर तहका एक हजार ६०४ विद्यार्थी शुक्रबार दीक्षित हुने भएका छन् ।
     
    काठमाडौँ विश्वविद्यालयले आज विश्वविद्यालय परिसरमा पत्रकार सम्मेलन गरी २५औँ दीक्षान्त समारोहबाट चिकित्सा विधा तथा अन्य विधामा स्नातक गरेका विद्यार्थी दीक्षित गर्न लागिएको जनाएको छ । दीक्षित हुनेमा एमसीएच, डीएम, एमडी, एमएस, एमएस्सी र एमडीएसका १४८, एमबीबीएसका एक हजार ९८, बिडिएसका २१८, बीएस्सी इन नर्सिङका ११६ र बिपिटीका २४ विद्यार्थी रहेको विश्वविद्यालयका सूचना तथा सञ्चार प्रमुख डा हेमराज काफ्लेले जानकारी दिनुभयो ।
     
    चिकित्सा विधाको माथिल्लो तहको एमसीएच उपाधि चार जनालाई प्रदान गरिने छ । तीमध्ये विश्वविद्यालयबाट पहिलो पटक एक जनालाई ‘प्लाष्टिक एण्ड रिकन्स्ट्रक्टिभ सर्जरी’ विषयमा एमसीएच उपाधि प्रदान गरिने काफ्लेले बताउनुभयो । दीक्षित हुनेमध्ये भारत, भुटान, श्रीलङ्का, मालदिभ्स, अमेरिका र बेल्जियमका २४६ विद्यार्थीसमेत छन् । 
    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast