शनिबार, मंसिर २८, २०७६
    राज्य-समाज

    राजपालाई प्रधानमन्त्री ओलीले गरे यस्तो ‘अफर’

    मंगलवार, ३ मंसिर २०७६, आहाखबर

    काठमाडौँ, ३ मङ्सिर

    चर्को आन्तरिक दबाबका बीच समाजवादी पार्टीले सरकारबारे निर्णय नलिनुको र राष्ट्रिय जनता पार्टी (नेपाल) सँगको एकताबारे ठोस निर्णय नलिनुको कारणको खुलासा भएको छ । 

    एकीकरणका लागि सरकार छाड्न दबाब दिइरहेको राजपा नेपाल र प्रधानमन्त्रीबीच सरकारमा सहभागी हुने बारे छलफल चलेको सूचना समाजवादी पार्टीका अध्यक्ष उपेन्द्र यादवसम्म पुगेपछि पार्टीले तत्काल सरकार छाड्ने निर्णय नलिएको हो ।

    प्रधानमन्त्री केपी शर्मा ओलीले राजपा नेपालका नेतालाई पटक–पटक सरकारमा आउन आग्रह गरेको खुलेको छ । आफू निकटस्त नेताहरुलाई पठाएर नेपाल कम्युनिस्ट पार्टी (नेकपा) अध्यक्ष समेत रहेका प्रधानमन्त्री ओलीले सो दलका नेताहरुलाई ‘सरकारमा आउन तयार भए समाजवादी पार्टीलाई सरकारबाट ‘आउट’ गर्ने राजपा नेपाललाई ‘इन’ गर्नेछौं’ अफर गरेका थिए । 

    त्यतिमात्र होइन, प्रदेश २ को सरकारबाट पनि समाजवादी पार्टीलाई हटाएर राजपा र नेकपा गठबन्धनमा सरकार बनाउने प्रस्ताव पनि प्रधानमन्त्री ओली दूत बनेर पुगेका नेताले गरेका थिए ।

    तर यो कुरा समाजवादी पार्टीका अध्यक्ष उपेन्द्र यादवको कानसम्म पुग्यो । त्यही भएर यादवले तत्काल सरकार नछाड्ने निर्णय लिए ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast