शनिबार, मंसिर २८, २०७६
    राज्य-समाज

    नमुना जिल्ला बनाउन गुरुयोजना बनाउँछौँ : शेरधन राई

    मंगलवार, ३ मंसिर २०७६, आहाखबर
    भोजपुर, ३ मङ्सिर
     
    प्रदेश नं १ का मुख्यमन्त्री शेरधन राईले भोजपुरलाई नमुना जिल्ला बनाउन गुरुयोजना तयार गरिने बताउनुभएको छ ।  उहाँले जिल्लाका सम्पूर्ण समस्याबारे आफू जानकार रहेकाले यहाँको हरेक क्षेत्रको विकासका लागि ६ महिनाभित्र गुरुयोजना बनाएर काम शुरु गर्ने बताउनुभयो । 
     
    प्रदेश सरकारअन्तर्गत बन्न लागेको पिखुवा खोलाको पक्की पुल र भोजपुर रङ्गशालाको शिलान्यास गर्न आउनु भएका मुख्यमन्त्री राईले बजेटका कारण कुनै पनि विकासका काम प्रभावित नहुने उल्लेख गर्नुभयो । “गुणस्तरीय ढङ्गले काम सञ्चालन गर्न आवश्यक छ, यसमा जनताको खबरदारीको आवश्यक छ”, उहाँले भन्नुभयो । 
     
    विकास निर्माणको कामलाई प्रभावकारी बनाउन उच्चस्तरीय संयन्त्र गठनको तयारी भइरहेको बताउँदै उहाँले कमिसन र भष्ट्रचारमा शून्य सहनशीलता कायम गर्ने बताउनुभयो । मुख्यमन्त्री राईले भन्नुभयो, “कमिसन र भष्टाचारमा मैले शून्य सहनशीलताको नीति लिएको छु ।” सङ्घीयता कार्यान्वयनसँगै जनताले विकासको अनुभूति गर्न पाएको भन्दै उहाँले सबै जनतालाई राज्यको सुविधामा जोड्ने बताउनुभयो ।  
    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast