बिहिवार, माघ ९, २०७६
    पर्यटन समाचार

    बाजागाजा र फूलमालासहित विमानस्थल जाँदैहुनुहुन्छ ? यस्तो छ नयाँ नियम

    आईतवार, १ मंसिर २०७६, आहाखबर

    काठमाडौँ, १ मङ्सिर

    सुरक्षा र नियमित यात्रु व्यवस्थापनमा नकारात्मक असर पर्ने भएकाले गृह मन्त्रालयको १३ औं दक्षिण एसियाली खेलकुदमा भाग लिन आउने खेलाडी र पदाधिकारीसहितका विदेशीलाई त्रिभुवन विमानस्थलस्थित अभ्यागमन आगमन कक्षामा बाजागाजा र फूलमालासहित स्वागत गर्न रोक लगाएको छ । 

    युवा तथा खेलकुद मन्त्रालयले गत साता विमानस्थलस्थित सुरक्षा निकाय,अध्यागमन,भन्सार नागरिक उड्ययन प्राधिकरयालगायत सर्बै सरोकारवाला निकायसम्मिलित बैठकमा सागमा आउने विदेशी पाहुनालाई अध्यागमन कार्यालय परिसरमै स्वागत गर्ने व्यवस्था मिलाइदिन प्रस्ताव गरेको थियो । तर विमानस्थल अध्ययगमन कार्यालयले अति संवेदनशील क्षेत्रभित्र बाजागाजा र फूलमालासहितको स्वागत गर्न नमिल्ने भन्दै वैकल्पिक उपाय अपनाउन मन्त्रालयका पदाधिकारीलाई आग्रह गरेको थियो ।

    पाहुनाका लागि अध्ययगमन परिसरमा विशेष स्वागतको व्यवस्था गर्न नसकिने जानकारी हामीले मन्त्रालयलाई गराइसकेका छौं,प्रमुख अध्यागमन अधिकृत पौडेलले भने,विकल्पका रुपमा अनगमन कक्षबाहिर नै व्यवस्था गर्न सुझाव दिइएको छ । 

    अध्यागमनका अनुसार सुरक्षा निकायका अधिकारीहरुले पनि आगमन कक्षकाहिर नै स्वागत,सत्कारको व्यवस्था मिलाउन सुझाएका छन् । सन् १९९९ मा नेपालमै भएको आठौं दक्षिण एसियाली खेलकुदमा भने विमानस्थलस्थित अध्यागमन कार्यालयमै बाजागाजासहित स्वागत व्यवस्था मिलाइएको थियो । 

    उद्योग राजेशकाजी श्रेष्ठको संयोजकत्वमा रहेको अतिथि सत्कार समितिले अध्यागमनभित्रैबाट बाजागाजासहित गरेको थियो । राजाको पालामा त अध्यागमन भित्रैबाट पाहुनाको स्वागत गरिएको थियो, त्यसबेलाका संयोजक श्रेष्ठले भने,सरकारले जे गर्यो,ठिकै गरेको होला तर अहिले गणतन्त्रमा त झनै खुला पो हुनुपर्ने होइन र ?

    खेलकुद मन्त्रालयले नेपाल प्रहरीका पूर्व एआईजी अमरसिंह शांहको संयोजकत्वमा ६ सदस्यीय अतिथि सत्कार समिति गठन गरिसकेको छ । साग सम्पन्न गर्न अतिथि र सुरक्षासहित अरु १५ विषयगत समिति  गठन भइसकेको छन् । 

    विषयगत समितिबाहेक प्रधानमन्त्रीको अध्यक्षतामा उच्चस्तरीय निर्देशन समिति ,खेलकुदमन्त्रीको अध्यक्षयतामा आयोजन समिति र राष्ट्रिय खेलकुद परिषदका सदस्य–सचिव रमेशकुमार सिलवालको संयोजकत्वमा कार्यकारी समिति गठन भइसकेको छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast