सुनको भाउ उकालो चढ्दै, कतिमा हुँदै छ कारोबार ?

काठमाडौँ, २८ कात्तिक 

सुनको भाउ आज (बिहीबार) प्रतितोला ६ सयले बढेर ७२ हजार रुपैयाँ पुगेको छ । बुधबार पनि छापावाला सुनको भाउ २ सय रुपैयाँले बढेर ७१ हजार ४ सय रुपैयाँमा खरिदबिक्री भएको थियो ।

यस्तै, तेजाबी सुन पनि प्रतितोला ६ सय रुपैयाँ नै बढेर ७१ हजार ७ रुपैयाँ पुगेको नेपाल सुनचाँदी व्यवसायी महासंघले जानकारी दिएको छ । 

बुधबार तेजाबी सुन प्रतितोला ७१ हजार १ सय रुपैयाँ थियो । चाँदीको भाउ पनि प्रतितोला १० रुपैयाँ बढेर ८ सय ६० रुपैयाँमा आइपुगेको छ । सुनचाँदीको बजार भाउ भने अन्तराष्ट्रिय मूल्यका आधारमा कायम हुने गर्छ ।