आईतवार, मंसिर २२, २०७६
    राज्य-समाज

    बङ्ग्लादेशका राष्ट्रपति ४ दिने भ्रमणका लागि आज नेपाल आउँदै, नयाँ सम्झौता नहुने, यस्तो छ भ्रमण तालिका...

    मंगलवार, २६ कार्तिक २०७६, - आहा खबर संवाददाता.

    काठमाडौ, २६ कार्तिक । 

    राष्ट्रपति विद्यादेवी भण्डारीको औपचारिक निमन्त्रणामा बङ्गलादेशका राष्ट्रपति मोहम्मद अब्दुल हमिद मङ्गलबार नेपालको औपचारिक राजकीय भ्रमणका लागि आउँदैहुनुहुन्छ ।
     

    मंगलबारदेखि हुने बंगलादेशी राष्ट्रपति मोहम्मद अब्दुल हमिदको चार दिने नेपाल भ्रमण मूलतः यो सद्भावना भ्रमण हुने भएकाले नयाँ सम्झौता नहुने तर पुराना मुद्धाहरुमा भने छलफल हुने बताइएको छ । 

    स्वतन्त्रतापछि बंगलादेशलाई मान्यता दिने आठौँ मुलुक  नेपालले जनवरी १९७२ मा बंगलादेशलाई मान्यता दिएपछि सुरुमै कुटनीतिक सम्बन्ध स्थापना भएको थियो । तर, ३ दशकदेखि दुवैदेशबाट उच्चस्तरीय राजनीतिक भ्रमण नभएपनि सार्क सम्मेलनका समयमा भने भ्रमण भएका छन् । त्यसैले यो भ्रमणलाई ऐतिहासिक भ्रमणको रुपमा लिइएको छ ।

    हाल राष्ट्रपति हमिदको औपचारिक भ्रमणको सबै तयारी पूरा भएको र वहाँको स्वागतमा त्रिभुवन विमानस्थलदेखि राजधानीका विभिन्न सडकलाई झकिझकाउ बनाई सिँगारिएको छ। दुवै देशका राष्ट्रपतिको तस्बिर सडकका पोलहरूमा लाम लगाएर राखिएको छ। 

     

    यस्तो राष्ट्रपति हमिदको चार दिने भ्रमण तालिका

    मंगलवार अपराह्न १ बजे त्रिभूवन अन्तर्राष्ट्रिय विमानस्थल अवतरण गर्ने तथा शीतल निवासमा राष्ट्रपति विद्यादेवी भण्डारीसँग द्विपक्षीय भेटवार्ता गर्ने कार्यक्रम तय भएको छ । उहाँ मंगलबार नै राष्ट्रपति विद्यादेवी भण्डारीद्वारा आयोजित रात्रिभोजमा सहभागी हुने कार्यक्रम छ । त्यसपछि प्रधानमन्त्रीसँग वान टु वान भेटवाता गर्ने तथा अन्य राजनीतिक भेटघाट गर्ने कार्यक्रम रहेको छ । 

    बुधबार राष्ट्रपति हमिदले विश्व सम्पदामा सूचीकृत भक्तपुर दरबारको अवलोकन गर्ने तथा सोही दिन काठमाडौंका अन्य मन्दिरको अवलोकन गर्ने कार्यक्रम छ । सोही दिन नेपालका लागि बंगलादेशका राजदूतले आयोजना गर्ने रात्रिभोजमा पनि उहाँ सहभागी हुने कार्यक्रम छ ।

    बिहीबार राष्ट्रपति हमिदले पर्यटकीय नगरी पोखराको भ्रमण गर्ने र पोखरामा बंगलादेश क्लबले आयोजना गर्ने एक कार्यक्रममा सहभागी हुने तथा नेपालमा रहेका बंगलादेशका नागरिकसँग कुराकानी गर्ने कार्यक्रक तय गरिएको जनाइएको छ । भ्रमणको अन्तिम दिन शुक्रबार राष्ट्रपति हमिदले काठमाडौंको चन्द्रागिरी हिल्सको अवलोकन गर्ने र साँझ ५ बजे स्वदेश फर्कने कार्यक्रम छ । 

     

    नयाँ सम्झौता नहुने

    बाङ्ग्लादेशका राष्ट्रपति मोहम्मद अब्दुल हमिदको मङ्गलवारदेखि सुरु हुने नेपाल भ्रमणमा दुई देशबीच नयाँ सहमति वा सम्झौता हुने छैन।

    भ्रमणका क्रममा दुई देशबीचको ‘प्राथमिकतायुक्त व्यापार सम्झौता’ लाई पूर्णता दिनुका साथै ‘बीबीआईएन मोटर भेइकल एग्रिमेन्ट’लाई तत्काल कार्यान्वयनमा ल्याउने सहमति हुनेछ । यस्तै, भ्रमणका बेला त्रिदेशीय अर्थात नेपाल, भारत र बंगलादेशसँग सरोकार विषयहरुका साथै दुईदेशीय व्यापारसम्बन्धी विषयमा पनि छलफल हुने बताइएकोे छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast