शुक्रबार, मंसिर २७, २०७६
    कला-सौन्दर्य

    बलिउडकी चर्चित गायिका लता मङ्गेश्कर उपचारपछि घर फिर्ता

    सोमबार, २५ कार्तिक २०७६, आहाखबर

    नयाँ दिल्ली, २५ कात्तिक

    भारतकी चर्चित गायिका लता मङ्गेश्करको स्वास्थ्यमा समस्या आएपछि सोमबार उपचारका लागि अस्पताल पुर्याइएको छ ।

    स्वासप्रश्वासमा समस्या आएपछि उहाँलाई बिहानै आकस्मिकरूपमा अस्पताल भर्ना गरिएको चिकित्सकहरूले बताए ।

    लोकप्रिय गायिका ९० बर्षिय मङ्गेश्वरलाई मुम्बईको दक्षिणी क्षेत्रमा रहेको ‘ब्रेथ क्यान्डी अस्पताल’मा उपचार गरिएको हो । उहाँलाई सोमबार नै उपचारपछि घर फकाइएको छ । 

    अस्पतालले उहाँको स्वास्थ्य परीक्षण गरेपछि प्राप्त प्रारम्भीक तथा पहिलो स्वास्थ्य विवरणमा उहाँको अवस्था गम्भीर देखिएको चिकित्सकहरुले जनाएको भएपनि स्वास्थ्यमा सुधार आएको भन्दै उहाँलाई सोमबार नै घर फिर्ता गरिएको छ । 

    लताको स्वास्थ्य उपचारमा सम्लग्न चिकित्सकका अनुसार उहाँको छातीमा सङ्क्रमण भएको तर सामान्य उपचारपछि घर फर्काइएको छ । बुढ््यौलीका कारण उहाँको स्वास्थ्यमा समस्या आउनु स्वभाविक भएको तर उच्च सतर्कता अपनाउनुपर्ने भएकाले उहाँलाई अति सघन कक्ष (आइसियु) मा राखेर उपचार गरिएको थियो । 

    छाती दुख्यो भनेपछि उहाँलाई सोमबार मध्यरातमा (२ बजेतिर) अस्पताल पु¥याइएको लताका आफन्तले जानकारी दिए । लतालाई गम्भीर अवस्थामा अस्पतालमा उपचार गराइएको तर स्वास्थ्यमा सुधार आएकोले घर फर्काइएको उहाँका परिवारिक स्रोतले पुष्टि गरेको छ । 

    उहाँ विरामी भएका खबरपछि भारतका अन्य चर्चित कलाकारहरुले पनि उहाँको शीघ्र स्वास्थ्य लाभको कामना गर्दै सामाजिक सञ्जालमा लेखेका छन् ।

    भारतकै सबैभन्दा प्रख्यात र सम्मानित पाश्र्व गायिका लताले सन् १९४२ मा गायन सुरु गर्नुभएको थियो भने एक हजार भन्दा बढी ‘बलिउड’का चलचित्रहरूलाई विभिन्न ३६ भाषाहरूमा स्वर दिनुभएको छ । भारतको सबैभन्दा ठूलो गैर–सैनिक पदक भारत रत्न पाउने उहाँ केवल दोस्रो गायिका हुनुहुन्छ ।

    मंगेशकर गिनिज बुकमा सन् १९७४ देखि १९९१ सम्म सबैभन्दा बढी गितहरू रेकर्ड गराउने गायिकाको रूपमा दर्ता हुनुभएको थियो । उहाँले १९४८ देखि १९७४ सम्म ३० हजार गितहरू रेकर्ड गराउनुभएको छ । उहाँको रेकर्डलाई पछि बहिनी आशा भोस्लेले त्यो भन्दा बढी गीत रेकर्ड गराएर तोड्नु भएको बताइन्छ । 

    करिब एक हजार सुप्रसिद्ध गायिका लताले भारत रत्न, पद्म विभूषण, पद्म भूषण, दादासहेब पाल्खे पुरस्कार लगायतका प्रसिद्ध पुरस्कार पाउनुभएको छ ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast