बुधबार, आषाढ २४, २०७७
    मुभी-थिएटर

    ‘कबड्डी ३’ ५१ औ‌ं दिनमा, कमाइ यति करोड !

    आईतवार, २४ कार्तिक २०७६, आहाखबर

    काठमाडौँ, २४ कात्तिक 

    असोज ३ गतेदेखि प्रदर्शनमा आएको ब्लकबस्टर फिल्म ‘कबड्डी ३’ ले ५१ औँ दिन मनाएको छ ।  

    शनिवार राजधानीको बिग मुभिज, एफक्युब, गोपीकृष्ण, गुण सिनेमा र अष्टनारायण हलमा फिल्म ५१ औँ दिनमा प्रदर्शनमा आएको हो । फिल्मले ५१ औँ दिनमा आइपुग्दा १४ करोड ग्रस कलेक्सन गरेको वितरक कम्पनी स्टेशन फाइभले जनाएको छ ।

    ‘कबड्डी’ सिरिजका फिल्ममध्ये यति धेरै कमाउन सफल यही भाग बनेको छ । निर्माण टिमले फिल्मको चौँथो सिरिज पनि बन्ने जनाइसकेको छ ।

    यस वर्ष प्रदर्शनमा आएका अन्य दुई फिल्म ‘जात्रै जात्रा’ र ‘दाल भात तरकारी’ ले ५१ औँ दिन मनाउन सफल भएका थिए । ‘कबड्डी ३’ यस वर्ष ५१ औँ दिन मनाउने तेस्रो फिल्म बनेको छ । यद्यपि केही प्रतीक्षित फिल्म रिलिजमा र रिलिज हुन बाँकी छन् । कलेक्सनका हिसाबले भने ‘कबड्डी ३’ नै यस वर्ष अहिलेसम्म सबैभन्दा धेरै कमाउने फिल्म बनेको छ ।

    चलचित्रमा दयाहाङ राई, उपासना सिंह ठकुरी, कर्मा शाक्य, विल्सन विक्रम राई, बुद्धि तामाङ, रिश्मा गुरुङ, कमलमणि नेपाल, विजय बराल, माओत्से गुरुङ, बुद्धि तामाङ लगायतका कलाकारको शीर्ष भूमिका छ । स्किृप्ट सशक्त हुँदा दर्शकले यो फिल्म मन रुचाएका छन् । कमेडी विधामा निर्माण भएको यो फिल्ममा रामबाबु गुरुङको निर्देशन छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast