सोमबार, मंसिर २३, २०७६
    खेल संसार

    १३ औं 'साग'मा अफगानिस्तानले भाग नलिने

    शुक्रबार, २२ कार्तिक २०७६, आहाखबर

    काठमाडौँ, २२ कात्तिक

    नेपालमा मंसिर १५ देखि २४ गतेसम्म अयोजना हुन लागेको १३ औं दक्षिण एसियाली खेलकुद (साग) मा अफगानिस्तानले भाग नलिने भएको छ । एक साता अघि भाग लिने निर्णय गरेको अफगानिस्तानले फेरी भाग नलिने पत्र पठाएको छ ।

    अफगानिस्तानले सन् २०१६ मा भारतमा सम्पन्न १२ औं सागपछि साग नखेल्ने निर्णय गरेको थियो । अफगानिस्तानले सेन्टर एसियामा आफ्नो सदस्यता सारेको थियो । 

    तर हालै ओलम्पिक काउन्सिल अफ एसिया (ओसिए) ले अफगानिस्तानलाई साग खेल्न निर्देशन दिएपछि भाग लिने तयारी गरेको थियो । नेपालले तयारी अन्तिममा पुगेकोले अफगानिस्तानलाई सागमा सहभागी गराउन प्राविधिक कठिनाई हुने ओसिएलाई जानकारी गराएको थियो ।

    विशेषगरी अफगानितानले मार्सल आर्ट्स गेम्समा भाग लिने तयारी गरेको थियो । उक्त कुरालाई नेपालले अस्वीकार गरेपछि अफगानिस्तान साग नखेल्ने निर्णयमा पुगेको हो ।

    साग सम्बन्धी दक्षिण एसियाली ओलम्पिक कमिटिको बैठक शनिबार काठमाडौंका बस्दैछ । उक्त बैठकले नेपालमा आयोजना हुने सागको विषयमा सबै खाले निर्णय गर्ने बताईएको छ । बैठकको अध्यक्षता नेपाल ओलम्पिक कमिटिका अध्यक्ष जीवनराम श्रेष्ठले गर्ने छन् । श्रेष्ठ दक्षिण एसियाली ओलम्पिक कमिटिका पनि अध्यक्ष हुन् । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast