बिहिवार, मंसिर ५, २०७६
    आर्थिक खबर

    भारतको प्याज प्रतिवन्धले नेपाललाई छोएन !!

    शुक्रबार, २२ कार्तिक २०७६, आहाखबर

    २२ कात्तिक, काठमाडौं । 

    भारतको केन्द्र सरकारले असोज १२ गतेदेखि प्याज निर्यातमा रोक लगाउने निर्णय गरेको थियो । त्यसयता पनि नेपालमा भारतबाट १७ हजार किलोभन्दा धेरै प्याज भित्रिएको भन्सार विभागले जनाएको छ ।

    भारतले आफ्नो मुलुकबाट प्याज निर्यात गर्न लगाएको प्रतिवन्धले नेपाललाई नछोएको पायएको छ । प्रतिवन्धका बाबजुद भातरबाट नेपालमा पर्याप्त मात्रामा प्याज आयात भइरहेको तथ्यांकले देखाएको छ ।

    भन्सार विभागको तथ्याङ्कअनुसार चालु आर्थिक वर्षको पहिलो महिनामा एक लाख ५९ हजार १३१ किलो सुकेको प्याज भारतबाट नेपाल भित्रिएको थियो । यस्तै भदौको मसान्तसम्म यो परिमाण ७ लाख २२ हजार २३३ किलो पुगेको थियो ।


    असोज १२ गतेबाट यता पनि नेपालमा भारतबाट १७ हजार किलोभन्दा धेरै प्याज भित्रिएको भन्सार विभागले जनाएको छ । विभागको असोज मसान्तसम्मको विवरण अनुसार नेपालमा भारतबाट ७ लाख ३९ हजार २५३ किलो सुकेको प्याज भित्रिएको छ ।

    भारतको प्रतिबन्ध घोषणालगत्तै ४१ हजार किलो प्याज चीनबाट आयात भएको थियो । तर अहिले भारतबाट ल्याउन खुकुलो भएपछि चिनियाँ प्याज ल्याउन छोडिएको एक व्यवसायीले बताए । प्रतिबन्ध घोषणाअघि जस्तो ठूलो परिमाणमा आयात नभए पनि सबै प्रकारको प्याज निरन्तर आइरहेको वीरगन्ज भन्सार कार्यालयले जनाएको छ ।

    भारतले प्रतिबन्ध घोषणा गरेलगत्तै नेपाली बजारमा प्याजको थोक मूल्य प्रतिकिलो १ सय २० रुपैयाँसम्म पुगेको थियो ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast