शुक्रबार, मंसिर ६, २०७६
    बिदेश

    क्यालिफोर्निया जंगलमा डढेलो : ट्रम्प र गभर्नरबिच ‘झगडा’

    सोमबार, १८ कार्तिक २०७६, आहाखबर

    एजेन्सी, १८ कात्तिक


    अमेरिकी राष्ट्रपति डोनाल्ड ट्रम्पले क्यालिफोर्नियाको जंगलमा भएको आगलागीलाई लिएर संघीय सरकारलाई दिने गरेको बजेटमा कटौती गर्ने चेतावनी दिएका छन् ।

    अमेरिकी राष्ट्रपति डोनाल्ड ट्रम्पको क्यालिफोर्नियाका गभर्नरसँग सामाजिक सञ्जालमार्फत ‘झगडा’ परेको छ । ट्रम्प र क्यालिफोर्निया राज्यका गभर्नर गाविन न्युसमबिच ट्वीटरमा आरोप प्रत्यारोप भएको हो ।

    ट्रम्पले डढेलोका कारण नराम्रोसँग प्रभावित भएको राज्य क्यालिफोर्नियाका लागि केन्द्र सरकारले दिँदै आएको डढेलो नियन्त्रण सम्बन्धी सहयोग कटौति गर्ने चेतावनी दिएका छन् ।

    आगलागीका कारण झण्डै एक लाख एकड क्षेत्रमा नोक्सानी भएको छ । पछिल्लो हप्तामा भएको डढेलोका कारण हजारौँ मानिस घर छोड्न बाध्य भएका छन् ।

    ट्रम्पले जंगलमा लागेको आगोको दोषी गभर्नर गाविनको राज्य सरकार रहेको आरोप लगाएका छन् । वन व्यवस्थापनमा गभर्नर गाविनले खराब काम गरेको ट्रम्पले आरोप लगाएका छन् ।

    यसैबीच स्थानीय गभर्नरले भने जलवायु परिवर्तनका कारण आगजनी भएको जिकीर गरेको छ ।

    ग्लोबल वार्मिङका कारण भएको उच्च तापमानले गर्दा आगजनी भएको स्थानीय गभर्नर गेविन न्युजमको भनाई छ ।

    यो वर्ष वन नभई खाली चउर क्षेत्र बढी प्रभावित भएको छ । ट्रम्पको वातावरणीय नीतिका कडा आलोचक रहेका गाविनले ट्रम्पलाई जवाफ दिँदै लेखेका छन्, ‘तपाईँले जलवायु परिवर्तनमा विश्वास गर्नु हुन्न । तपाईँलाई यहाँको रक्षा वा संरक्षणको जिम्मेवारीबाट मुक्त गरिन्छ ।’

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast