मंगलवार, कार्तिक २६, २०७६
    कला-सौन्दर्य

    बलिउड

    ‘हाउसफूल ४’ लाई समीक्षकद्वारा खराब रिभ्यु, दर्शक यसो भन्छन्

    मंगलवार, १२ कार्तिक २०७६, आहाखबर

    काठमाडौँ, १२ कात्तिक

    बलिउड अभिनेता अक्षय कुमारको फिल्म दिवालीको अवसर पारेर रिलिज भयो । यो बलिउडको सुपरहिट फिल्म ‘हाउसफूल’ को सिक्वेल हो । फिल्मको रिलिज हेरेर धेरैलाई यो फिल्मप्रति बढी नै आशा थियो । तर रिलिजपछि भने दर्शकले यसका बारेमा बोल्न थाले ।

    अक्षयको फिल्म ‘हाउसफूल ४’ लाई समीक्षकले पनि खराब रिभ्यु दिएका छन् । तर फिल्मले रिलिजको ३ दिनमै ५० करोड भारु कमाइ गरेको छ ।

    यसैबीच दर्शकले प्रश्न उठाएका छन् कि, फिल्मले समीक्षा पनि राम्रो पाएको छैन र दर्शक पनि फिल्म हेर्न पुगेका छैनन् भने कसरी ५० करोड कमाइ गर्‍यो?

    चलचित्रको कमाइमा औँला उठाउँदै दर्शकले ट्वीटरमा ह्यासट्याग ट्रेडिङमा ल्याएका छन् । कति फ्यानले भने समीक्षकले पैसा खाएर खराब रिभ्यु लेखिदिएको आरोप लगाएका छन् ।

    फिल्म ‘हाउसफूल ४’ मा अक्षयसँगै रितेश देशमुख, बबी देओल, चंकी पाण्डे, कृति सेनन, जनी लिभर लगायतका कलाकारको शीर्ष भूमिका छ । यो कमेडी फिल्मले पुनर्जन्मको प्रेम पाउन गरिएको सङ्घर्षको कथा भन्छ ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast