बुधबार, चैत्र १९, २०७६
    राज्य-समाज

    विश्वकै यी १० हत्याकाण्डहरु जसले विश्व राजनीतिमा उथलपुथल मच्चायो

    बिहिवार, ७ कार्तिक २०७६, आहाखबर

    एजेन्सी, ६ कात्तिक । 

    विश्वका केही विश्व नेताहरु डरलाग्दो हत्याकाण्डको शिकार भएका थिए । जसले विश्व राजनीतिमा हलचल नै ल्याइ दिएको थियो । 

    विश्वकै शक्तिशाली देश अमेरिकामा समेत यस्ता घटनाहरु बारम्बार दोहोरिए । भारत, पाकिस्तान, नेपालजस्ता देशमा हत्याका कारण राजनीति संकट चरमोत्कर्षमा पुगेको थियो ।


    यी हुन् विश्वकै केही डरलाग्दा हत्याकाण्डहरु:

    जोन एफ केनेडी

    अमेरिकामा ३५ औ राष्ट्रपतिको हत्या सन् १९६३, २२ नोभेम्बर, डालासमा भएको थियो ।

    लि हार्बे असवाल्डमाथि राष्ट्रपति हत्याको आरोप लाग्यो, तर उनले आफुमाथि लागेको आरोपको खण्डन गरे र आफुलाई फ्रेम गरिएको बताएका थिए ।

     

    लि हार्भे असवाल्ड

    यी व्यक्ति जसले जोन एफ केनेडीको हत्या गरे उनको पनि केही दिनपछि हत्या भएको थियो । उनलाई ज्याक रुवीले गोली हानी हत्या गरेका थिए ।

    केनेडी हत्या कसले र किन गरेको थियो त्यसबारे लिले बताउनुपुर्व नै उनको हत्या भयो । उनको हत्याको रहस्य लिको हत्यासँगै हराएर गयो ।

     

    महात्मा गान्धी

    अहिंसाका पुजारी महात्मा गान्धीको हत्या धेरैका लागि अपत्यारिलो बन्यो । तर, वैचारिक आन्दोलनका कारण नाथुराम गोड्सेले उनको हत्या गरे ।

    उनले मर्नुअघि भनेका थिए, यदी मेरो छातीमा कसैले गोली हान्छ र मर्नुअघि मेरो ओठमा हे राम आउँछ तब मात्रै म सच्चा महात्मा हुनेछु ।

     

    इन्दिरा गान्धी

    भारतीय राजनीतिमा विशिष्ट व्यक्तिको हत्या धेरै नै भए । आज पनि नेताहरुकाो हत्याकाण्डका घटनाहरु बाहिर आउने गरेका छन् । सन् १९८४ ३१ अक्टोबरमा प्रधानमन्त्री इन्दिरा गान्धीको हत्या भएको थियो ।

    उनीमाथि ३३ गोली चलाइएको थियो । उनलाई आफ्नै सुरक्षा गार्ड सतवन्त सिंह र बिन्ट सिंहले गोली हानेका थिए ।

     

    रोबर्ट एफ केनेडी

    जोन एफ केनेडीका भाइ रोबर्टको पनि सन् १९६८ को राष्ट्रपति निर्वाचनका क्रममा गोली हानी हत्या गरिएको थियो ।

    उनलाई एक प्यालेसटाइनी सिरहन सिरहानले तीन राउण्ड गोली हानेका थिए । उक्त घटनामा अन्य पाँच जना घाइते भएका थिए ।

     

    मार्टिन लुथर किङ जुनियर

    नोभेल पिस प्राइज विजेता मार्टिनको सन् १९६८, ४ अप्रिलमा हत्या भएको थियो । उनी बालकोनीमा उभिएको अवस्थामा उनीमाथि गोली हानिएको थियो ।

    ३९ वर्षको कलिलो उमेरमा उनको हत्या हुन पुग्यो ।

     

    राजदरबार हत्याकाण्ड

    विंस २०५८ साल जेठ १९ गते नेपालमा विश्वलाई नै आश्चर्य चकित पार्ने घटना घट्यो ।

    उक्त घटनामा राजा विरेन्द्रसहित रानी ऐश्वर्या उनका तीन सन्तान र उनको भाइ धिरेन्द्रको हत्या भएको थियो ।


    राजीव गान्धी

    पुर्व प्रधानमन्त्री राजीव गान्धी श्रीपेरुमबुडरमा रहेका थिए । सन् १९९१, २१ मेमा उनको हत्या भयो । उनलाई लिट्टेका आत्मघाती बम्बरले हत्या गरेका थिए ।

    उनीसँगै अन्य १४ जना उक्त घटनामा मारिएका थिए । उनी बम ब्लास्टमा मारिने पहिलो ठुलो नेता थिए ।

     

    अब्रहाम लिंकन

    अमेरिकाका राष्ट्रपति लिंकनको हत्या सन् १८६५ १४ अप्रिलमा भएको थियो । उनी सुरक्षा गार्ड बेगर नै थिएटरमा बसेका थिए ।

    गुड फ्राइडे मनाउन पुगेका उनीमा िजोन विल्किस बुथले गोली हानेका थिए ।

     

    बेनेजिर भुट्टो

    नौ वर्षको जेल सजायपछि उनी राजनीतिमा होमिएकी थिइन् । सन् २००८ को चुनावका लागि उनी प्रचारमा व्यस्त रहेकी थिइन् ।

    सन् २००७ को २७ मा उनीमाथि आक्रमण भयो । उक्त घटनामा उनीसँगै २० जना मारिएका थिए ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast