बिहिवार, कार्तिक २८, २०७६
    ओएमजी Omg!

    निकोलस चाचेस्कु : रक्सीले हात धुने एक तानाशाह जसको यसरी भयो क्रूर अन्त्य

    आईतवार, ३ कार्तिक २०७६, -रेहान फजल /बीबीसी ।.

    काठमाडौँ, ३ कात्तिक

    कैयौं मानिसलाई अहिले आएर यो कुरा सुन्दा अचम्म लाग्न सक्छ की ६० को दशकमा रोमानियामा निकोलस चाचेस्कुले लगातार २५ वर्षसम्म आफ्नो देशमा मिडियाको आवाजलाई बाहिर निस्कन दिएन । 

    मिडियको हरेक कार्यालयमा चाचेस्कुले आफ्ना गुप्तचर बिभागका कर्मचारी खटाउने गथ्र्यो । साथै उसले खाना, पानी, तेल तथा औषधीसम्मको उपभोगमा आफ्ना देशबासीलाई नियन्त्रणमा राख्यो । जसको नतिजा यस्तो भयो की रोमानियाका मानिसहरु बिभिन्न रोग तथा भोकमरीको शिकार बन्न पुगे । 

    चाचेस्कुले लादेको निरंकुश शाषनमा दुःख पाइरहेका रोमानियाली नागरिकको दिनचर्याका बारे गुप्तचरले चियोचर्चो गर्दै शाषकलाई रिपोर्टिंग समेत गर्थे । 

    चाचेस्कु पूरै रोमानियामा एक कठोर नेताकारुपमा सत्तासीन थियो भने उसले आफ्नी पत्नी एलीनालाई राष्ट्रमाताको दर्जा दिलाएको थियो । 


    आफ्नो छायाँसँग पनि डराउँथे जनता

    रोमानियामा भारतको राजदूत रहीसकेका राजीव डोगराका अनुशार  उनी रोमानिया गएका बखत चाचेस्कुको शाषन सकिएको १० वर्ष वितिसकेको थियो ।

    अचम्मको कुरा के भने १० वर्षपश्चात पनि त्यहाँका मानिसमा त्रास कायमै थियो । त्यतिबेला पनि त्यहाँका मानिस आफ्नै छायाँसँग पनि डराउँदै घरी घरी पछाडी फर्किएर हेर्ने गर्थे । आफ्नो पीछा त कसैले गरेको छैन भन्दै उनीहरु बारम्बर त्रशित हुने गर्थे । 

     

    हरेक कुराको सुक्ष्म निगरानी

    चाचेस्कुको निरंकुश शाषन चरमउत्कर्षमा रहँदै गर्दा उसले आफ्ना विरोधीको पनि उच्च निगरानी गथ्र्यो । 
    एक रोमानियाली महिला कार्मेन बुगानका पिता चाचेस्कुका विरोधीहरुमा एक थिए । १० मार्च सन् १९८२ मा गुप्तचर विभागका पुलिसले उनको गाउँस्थित घरमा छापा मारे र अर्को ५ वर्षसम्म उनको परिवारले गर्ने हरेक क्रियाकलापमाथि कडा नजर राख्ने गर्थे भने घरभित्र बोल्ने हरेक कुराको रेकर्डिंग हुने गथ्र्यो । 

     

    कार्मेन बुगानलेका अनुशार एक पटक चाचेस्कुका मानिसहरुले उनको घरभित्र पसी सबै खानेकुरा लगिदिएपछि उनलाई ३ हप्तासम्म मात्र पानीको भरमा उनले बाँच्नुपरेको थियो । 

    अझ अचम्मको कुरा त के भने त्यसबेला चाचेस्कुले आम मानिसलाई जाडोको बेला समेत घरको ढोका खुल्लै राख्न उर्दी जारी समेत गरेका थिए । आफ्ना नागरिकको सुक्ष्म निगरानी गर्नैका निम्ति उनले ढोका खुल्लै राख्न निर्देशन दिएको बताइन्छ । 


    सन् १९८९ को अन्तिम भाषण र क्रुर अन्त्य

    २१ डिसेम्बर १९८९ मा चाचेस्कुले बुखारेस्टको मध्य भागमा अवस्थित पार्टी मुख्यालयको बालकोनीबाट एक जनसभालाई संबोधन गरेका थिए । तर भाषण शुरुभएको केही बेरमै पछाडीतर्फबाट सिट्टि लगायतको आवाज आउन थाल्यो । चाचेस्कुले आफ्नो हात उठाएर भीडलाई शान्त पार्न थाले तर भीडबाट आएको आवाज झन् चर्किन थाल्यो । 

    त्यो देखेर चाचेस्कु अवाक भए । उनकी श्रीमती एलीनाले भीडलाई नियन्त्रण गर्न थाले पनि उनको केही लागेन । केही बेरमै सो जनसभा दंगामा परिणत भयो । देशभरका मानिस विरोध प्रदर्शनमा शामेल हुन लागे । बिभिन्न सरकारी भवनमा हमला हुन थाल्यो भने चाचेस्कुको तस्वीर च्यातिन थाले । 

    चाचेस्कुले विद्रोहलाई निश्तेज पार्ने आदेश दिएपनि त्यो सफल हुन सकेन ।  
    त्यसपश्चात आफ्नो ज्यान जोगाउन चाचेस्कु र उनकी पत्नी हेलिकोप्टरबाट अन्यत्र भागे । अन्तमा चाचेस्कु र उनकी पत्नी समातिएसँगै उनीहरुलाई एक   सैनिक अदालतमा मुद्दा चलाई मृत्युदण्डको फैशला सुनाइयो । 

    दुवै दम्पत्तीको दुवै हात बाँधेर भित्तामा उभ्याइयो । अन्तमा उनीहरुमाथि गोली चलाएसँगै २५ वर्षदेखि रोमानियामा चलेको निरंकुश शाषन व्यवस्था धराशायी हुनपुग्यो ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast