बुधबार, कार्तिक २७, २०७६
    आर्थिक खबर

    ‘आर्थिक विकासको मूल आधार सहकारी’

    शनिबार, २ कार्तिक २०७६, आहाखबर
    नेपालगञ्ज, २ कात्तिक
     
    शहरी विकास मन्त्री मोहम्मद इस्तियाक राईले मुलुकको सामाजिक र आर्थिक रुपान्तरणमा सहकारी संस्थाको भूमिका महत्वपूर्ण रहेको बताउनुभएको छ । 
     
    नेपालगञ्जमा आज आयोजित नमस्ते बचत तथा ऋण सहकारी संस्थाको १०औँ वार्षिक साधारणसभाको उद्घाटन गर्दै उहाँले मुलुकको समृद्धिको मुख्य आधार आर्थिक विकास हुनुपर्नेमा जोड दिनुभयो । 
     
    यसैबीच मन्त्री राई आजै कोहलपुर बसपार्कको उद्घाटन गर्दै कोहलपुरलाई विकसित शहरका रुपमा स्थापित गरिने बताउनुभयो । 
     
    रु चार करोड ३९ लाख लागतमा कोहलपुर नगर विकास समितिले निर्माण गरेको कोहलपुर बसपार्कभित्र ११० मिटरका १३ वटा लेन निर्माण गरिएको छ । करीब ८०० सवारी साधन आवतजावत गर्नसक्ने क्षमताको कोहलपुर बसपार्कलाई छोटो दूरीको बसपार्कका रुपमा विकास गरिने कोहलपुर नगरपालिकाका प्रमुख लुटबहादुर रावतले जानकारी दिनुभयो । 
     
      बाँके क्षेत्र नं २ बाट सङ्घीय संसद्मा निर्वाचित सांसद मन्त्री राईको उपस्थितिमा आजै नेपालगञ्जमा स्थानीय साझेदार विकास पूर्वाधार कार्यक्रमको बैठक बसी योजनाको छनोटका विषयमा छलफल गरिएको थियो ।  
    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast