आईतवार, कार्तिक ३, २०७६
    खेल संसार

    खराब ब्याटिङ गरेपछि ओमानसँग नेपालको लज्जास्पद हार

    बिहिवार, २३ असोज २०७६, आहाखबर

    मस्कट, २३ असोज

    ओमानमा जारी पेन्टागुलर टी–२० सिरिजको अन्तिम खेलमा नेपाल ओमानसँग ६ विकेटले पराजित भएको छ।

    टस हारेर पहिले ब्याटिङको निम्तो पाएको नेपालले ११ ओभरमा अलआउट हुँदै मात्र ६४ रन बनायो। ६५ रनको सामान्य लक्ष्य ओमानले ११.५ ओभरमा ४ विकेट गुमाएर भेट्टायो।

    सुरुवाती कसिलो बलिङ गरेको नेपालका लागि सन्दीप लामिछानेले पहिलो विकेट लिएका थिए । सुरुमै बलिङ गर्न आएका उनले ओपनर अकिब इल्यासलाई शून्य रनमै सोमपालको हातबाट क्याच आउट गराए। त्यस्तै सर्वाधिक रन दिएका करणले २ विकेट लिए। उनले ३.५ ओभर बलिङ गर्दै २७ रन खर्चेर २ विकेट लिएका हुन्। सोमपाल कामीको नाममा पनि १ विकेट रह्यो।

    नेपालका लागि आरिफ शेखले सर्वाधिक २० रन जोडे। त्यस्तै दिपेन्द्रसिंह ऐरीले ११ रन जोड्न बाहेक अन्य ब्याट्स्म्यानले दोहोरो अंकको स्कोर बनाउन सकेनन्।

    नेपाललाई सस्तैमा समेट्न ओमानका अमिर कलीमले ५ विकेट लिए भने बिलाल खानले २ विकेट लिए।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast