आईतवार, कार्तिक ३, २०७६
    खेल संसार

    टी ट्वान्टी क्रिकेट : आयरल्याण्डविरुद्ध इतिहास रच्ने दाउमा नेपाल

    बुधबार, २२ असोज २०७६, आहाखबर

    काठमाडौं, २२ असाेज । 

    ओमानमा जारी पाँच देशीय टी ट्वान्टी क्रिकेट अन्तर्गत आज नेपालले टेस्ट राष्ट्र आयरल्याण्डको सामना गर्दैछ ।

    नेपाली समय अनुसार सवा ११ बजे हुने खेलमा नेपाल आयरल्याण्डविरुद्ध जित हात पार्दै इतिहास रच्ने दाउमा रहेको छ ।

    जारी प्रतियोगितामा नेपाल अपराजित टोली हो । पहिलो खेलमा हङ्कङलाई चार विकेटले हराएको नेपालले नेदरल्याण्ड्सविरुद्ध पनि चार विकेटकै रोमाञ्चक जित निकालेको थियो ।

    सिरिज जित्नका लागि आयरल्याण्डविरुद्धको खेल महत्वपूर्ण हुनेछ । यदी नेपालले आयरल्याण्डलाई हराएको खण्डमा टेष्ट मान्यता टिमविरुद्द नेपालको पहिलो जित हुनेछ ।

    ओमानसँग पराजति भएको आयरल्याण्डविरुद्धको खेल नेपाली टोलीका लागि सहज भने देखिदैन । नेपाली टिमका कप्तान पारस खड्काले आयरल्याण्ड टिम बलियो भए पनि नेपालले राम्रो खेलेमा जित असम्भव नहुने बताए ।

    आयरल्याण्डले भने यो सिरिजको अन्तिम खेल खेल्दैछ । यसअघिको तीन खेलमा नेदरल्याण्ड्सलाई ६ विकेटले हराएको आयरल्याण्डले ओमानसँग भने ४३ रनको पराजय भोगेको थियो । हङकङलाई भने उसले ६६ रनले हराएको थियो ।

    टी २० क्रिकेटमा नेपाल र आयरल्याण्ड दोस्रो पटक खेल्न लागेका हुन । यसअघि २०१५ मा भएको विश्वकप छनोटमा नेपाल आयरल्याण्ड्ससँग ८ विकेटले पराजित भएको थियो ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast