बुधबार, कार्तिक ६, २०७६
    सार्क

    पटनाका दश हजार बाढी पीडितको उद्धार

    बुधबार, १५ असोज २०७६, आहाखबर
    पटना, भारत, १५ असोज
     
    भारतको राष्ट्रिय प्रकोप व्यवस्थापन फौजले विहारको पटना क्षेत्रबाट दश हजारभन्दा बढी बाढी पीडितहरूलाई उद्धार गरिएको जनाएको छ ।
     
    विहार प्रदेशको राजधानी पटना क्षेत्रबाट उनीहरूलाई उद्धार गरिएको फौजका प्रमुख विजय सिंहले बुधबार जानकारी दिनुभयो । 
     
    एएनआईसँगको कुराकानीमा उहाँले भन्नुभयो, “हाम्रो फौजले दश हजार जनालाई डुबान भएको ठाउँबाट बाहिर निकालेको छ, उनीहरूलाई राहत सामग्रीहरू पनि वितरण गरिएको छ ।” 
     
    उहाँले उद्धार गरिएकाहरूलाई थप खाद्य पदार्थसहित अत्यावश्यक सामग्रीहरूको अभाव भएको पनि बताउनुभयो ।
     
    विगत केहीदिनदेखि यस क्षेत्रमा वर्षा भएको र बाढीबाट हजारौँ प्रभावित भएको समाचार आइरहेको थियो । 
     
    सिंहले अझै पनि पानीको तह पूरै नहटेको बताउनु भयो । उद्धार गरिएकाहरूलाई डुङ्गाबाट उद्धार गरिएको उहाँले जानकारी दिनुभयो । “पानी सकिएपछि ट्याक्टरको प्रयोग गर्ने योजना बनाएका छौँ,” उहाँले भन्नुभयो ।   
     
    भारतको विहारसहित केही प्रदेशहरूमा विगत केहीदिनदेखि आएको अत्यधिक वर्षाका कारण केहीको मृत्यु भएको छ भने हजारौँ विस्थापित र लाखौँ प्रभावित भएका छन् । 
    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast