बुधबार, असोज २९, २०७६
    यातायात

    गाडीवालाले भाडा बढी मागे ? अब १०३ मा फोन गर्नुस्

    बुधबार, १५ असोज २०७६, आहाखबर

    काठमाडाैं, १५ असाेज ।

    दशैँ-तिहार लगायत चाडपर्वका समयमा बढी भाडा असुल्ने लामो तथा छोटो दुरीका सवारी साधनका व्यवसायी तथा चालकलाई ठगी अभियोगमा कारबाही गर्ने व्यवस्था  छ । 

    चाडपर्वका बेला सार्वजनिक यातायातमा सरकारले तोकेभन्दा बढी भाडा लिए टेलिफोनमार्फत् सवारी साधनको नम्बरसहित प्रहरीलाई जानकारी गराउन सकिन्छ । 

    लामो दुरीको गाडीका लागि टिकटमा कालोबजारी, नक्कली टिकट बिक्री, दोहोरो बिक्री, ट्याक्सीमा हुने ठगी लगायतका समस्या परेमा १०३ मा फोन गरेर जानकारी गराउनु हुन अनुरोध छ । 

    काठमाण्डौ उपत्यकामा भएका १४ वटा सहायता कक्षमा भाडा दर टाँसिएको छ, त्यही अनुसार यात्रुले टिकट काट्न सक्नेछन् । 

    टिकट सजिलोरुपमा नपाएको भन्दैमा बढी भाडा दिएर टिकट कसैले पनि लिन हुँदैन, एक जनाले बढी पैसा तिरेर टिकट लियो भने अरुलाई पनि जबर्जस्ती बढी भाडा तिर्न बाध्य बनाइन सक्छ । त्यसैले यात्रु आफैँ पनि सचेत हुनुपर्छ ।

    'सुरक्षित यात्रा हाम्रो अभियान२०७६' अन्तर्गत गोंगबु नयाँ बसपार्कमा लामो दुरीका बसमा सुरक्षा जाँच पनि भइरहेको छ ।

    यातायात व्यवस्था विभाग, सिप्रदी ट्रेडिङ प्राइभेट लिमिटेड, नेपाल यातायात व्यवसायी राष्ट्रिय महासंघ र लोत्से मल्टि पर्पोजको सहकार्यमा शनिबारदेखि लामो यात्रा गर्ने सबै गाडीको सुरक्षा जाँच गरेर मात्रै बाहिर पठाइएको छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast