बुधबार, असोज २९, २०७६
    खेल संसार

    पीएसजीका लागि ज्यान दिन तयार छु : नेयमार

    सोमबार, १३ असोज २०७६, आहाखबर

    काठमाडाैं, १३ असाेज ।

    जिलियन सुपरस्टार नेयमारले फ्रान्सेली क्लब पेरिस सेन्ट जर्मेन ९पीएसजी० सँग आफ्नो सम्बन्ध राम्रो रहेको र क्लबका लागि ज्यानै दिन तयार रहेको अभिव्यक्ति दिएका छन् ।

    पीएसजीका लागि पछिल्ला ४ लिग खेलमध्य ३ खेलमा निर्णायक गोल गरेका नेयमार सिजनको सुरुवातमा बार्सिलोना जाने हल्ला चलेको थियो । नेयमारकै आग्रहमा बार्सिलोनाले औपचारिक प्रस्ताव पनि राखेको थियो, तर पीएसजीले उक्त प्रस्ताव स्वीकार गरेन । नेयमार आफैंले सार्वजनिक रुपमा नै क्लब छाड्ने मनासय पोखेपछि पीएसजीका समर्थक उनीसँग रुष्ट देखिएका थिए ।

    तर नेयमारले भने समर्थकसँगको सम्बन्ध बिस्तारै सुध्रिने विश्वास व्यक्त गरेका छन् । बोर्डोविरुद्ध खेलको निर्णायक गोल गरेपछि बोल्दै नेयामारले भने, ‘ म पीएसजीको जितमा सहयोग गर्न पाउँदा खुसी छु । समर्थकहरु यसक्रममा साथमा रहँदा झनै राम्रो हुन्छ । म क्लबका लागि आफ्नो ज्यान दिन तयार छु । यो मेरो टोली हो र मेरो लक्ष्य यस क्लबलाई सहयोग गर्नु र लगातार गोल गर्नु नै हो ।’

    नेयमारले समर्थकसँगको सम्बन्धलाई आफ्नो प्रेमिकासँगको सम्बन्ध जस्तै भनेर दाँजेका छन् । ‘समर्थकसँग मेरो सम्बन्ध भनेको प्रेमिकासँग जस्तै हो । जब समस्या पर्छ दुवै एकआपसमा बोल्दैनौं । तर जब बोल्न थाल्छौं, सबै कुरा सामान्य भइहाल्छ,’ नेयमारले भने ।

    नेयामारले एमबाप्पे चोटबाट फर्केपछि टोलीलाई थप सहज हुने बताए । ‘ठूला खेलमा निर्णायक गोलको महत्त्व बेग्लै हुन्छ । मेरो काम त्यहि नै हो । अब किलियन आएपछि झन् सहज हुन्छ । उनी निकै मिहिनेती खेलाडी हुन् र उनको खेल्ने शैलीले टोलीलाई सहयोग पुग्नेछ,’ नेयमारले थपे ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast