सोमबार, कार्तिक ४, २०७६
    सावधान

    वीर अस्पतालमा नियम विपरित नर्स नियुक्त, अख्तियारमा पर्‍यो उजुरी

    शुक्रबार, १० असोज २०७६, आहाखबर

    काठमाडौँ, १० असोज 

    वीर अस्पतालले नियम विपरित नर्सहरु नियुक्त गर्न लागेको  भन्दै वीरअस्पतालका स्वास्थ्य कर्मचारी संघले विरोध जनाएका छन् ।

    अस्पतालका निर्देशक केदार सेन्चुरीले न्याम्सका केही पदाधिकारीसँग मिलेर गैर कानुनी रुपमा आफु निकाट व्यक्तिलाई नियुक्त गर्न लागिएको पाइएको हो । अस्पतालका निर्देशक डा सेन्चुरीले आफु निकट व्यक्तिलाई चलखेल गरेर २५ जना नर्सलाई नियुक्त गर्न लागिएको भेटिएको हो ।

    अस्पतालका निर्देशकले आफूनिकट व्यक्तिलाई नियमविपरीत भर्ती गर्न लागेको भन्दै वीरअस्पतालका स्वास्थ्य कर्मचारी संघले विरोध समेत गरेका छन् ।

    अस्पतालको नियम विपरित नर्स भर्ती गर्न लागिएको भन्दै संघले अख्तियार दुरुपयोग अनुसन्धान आयोगमा अस्पतालका निर्देशक विरुद्ध उजुरी समेत दिएको स्रोतले बतायो ।

    वीर अस्पताल न्याम्सद्धारा सञ्चालित अस्पताल हो । वीर अस्पतालमा करार सेवामा कर्मचारी नियुक्त गर्दा सेवा आयोगका पदाधिकारीले सुचना प्रकाशित गरेर कर्मचारी आवश्यकता सम्बन्धि खुल्ला विज्ञापन प्रकाशित गरेर मात्रै कर्मचारी तथा चिकित्सक नियुक्ती गर्न पाउँछ । तर वीर अस्पतालको सेवा आयोग ६ महिनाअघिदेखि पदाधिकारी विहीन छ ।

    ‘वीर अस्पतालमा नर्स अभाव छ, यो कुरा सत्य हो, तर करारमा कर्मचारी नियुक्त गर्दा प्रक्रिया त पुराउनुपर्छ नि,’ कर्मचारी संघ निकट स्रोतले भन्यो, ‘तर अस्पतालका निर्देशकले बुधबार नै आफु निकट २५ जना नर्सहरुलाई नियुक्त दिन लाग्यो ।’

    सेवा आयोगमा पदाधिकारी नहुँदा अस्पतालको सेवा प्रवाहमा समस्या आउने गरी कर्मचारी अभाव भएमा न्याम्सका उपकुलपतिको निर्देशन अनुसार वीर अस्पतालले कर्मचारी नियुक्त गर्न पाउँछ । त्यसका लागि पनि वीर अस्पतालले सुचना भने प्रकाशित गर्नैपर्ने हुन्छ । तर वीर अस्पतालका निर्देशक सेञ्चुरीले केही पदाधिकारीसँग मिलेर अस्पतालमा नर्स अभाव भएको भन्दै नियम विपरिद आफु निकट व्यक्तिलाई भर्ती गर्न लागेको पाइएको हो ।

    ‘वीर अस्पतालमा नर्स अभाव छ, यो कुरा सत्य हो, तर करारमा कर्मचारी नियुक्त गर्दा प्रक्रिया त पुराउनुपर्छ नि,’ कर्मचारी संघ निकट स्रोतले भन्यो, ‘तर अस्पतालका निर्देशकले बुधबार नै आफु निकट २५ जना नर्सहरुलाई नियुक्त दिन लाग्यो ।’

    अस्पतालका निर्देशकले सूचना नै प्रकाशित नगरी गुपचुपमा नर्स नियुक्त गर्न लागेको भन्दै कर्मचारी संघले विरोध गरेपछि वीर अस्पतालका निर्देशकले आज ( शुक्रबार) राष्ट्रिय ट्रमा सेन्टरमा गुपचुपमा नियुक्त भइसकेका नर्सहरुलाई अन्तर्वाता लिएको वाहाना गरिरहेको स्रोतले बतायो ।

    ‘अस्पतालका निर्देशकले २५ जनालाई बुधबार नै नियुक्त गरिसकेका छन्, कर्मचारीहरुले हिजो विरोध गरेपछि आज ट्रमा सेन्टरको हलमा ११ बजेदेखि नियुक्त भइसकेका नर्सहरुको अन्तर्वाता लिइदै छ,’ स्रोतले भन्यो, ‘अस्पतालमा नर्स अभाव छ, तर प्रक्रिया पुर्‍याएर एकसाता अघि नै किन सूचना निकालिएन ? गुपचुपमा आवेदन संकलन गरेर किन नियुक्त गर्न लागियो ?’ वीर अस्पतालमा नियम विपरित नर्स भर्ना गर्न लागिएको भन्दै कर्मचारी संघले अख्तियारमा उजुरी समेत दिएको स्रोतका भनाइ छ ।

    न्याम्स अन्तर्गतको वीर अस्पताल र ट्रमा सेन्टरमा यसअघि पनि अस्पताल प्रमूखहरुले नियम विपरीत कर्मचारी नियुक्त गर्ने गरेको महालेखा परीक्षकको कार्यालयले सार्वजनिक गरेको प्रतिवेदनले पनि देखाउछ । 

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast