बुधबार, असोज २९, २०७६
    खेल संसार

    पारससँग सम्बन्ध बिग्रियाे भन्नेलाई सन्दीप लामिछानेले दिए कडा जवाफ

    बिहिवार, ९ असोज २०७६, आहाखबर

    काठमाडौं, ९ असाेज ।

    नेपाली राष्ट्रिय क्रिकेट टोलीका लेग स्पिनर सन्दीप लामिछानेले कप्तान पारस खड्कालाई सामाजिक सञ्जालमा अनफलो गरे गरेपछि उनीहरूबीचकाे सम्बन्ध बिग्रिएकाे कुराले निकै चर्चा पाएकाे छ । 

    कप्तान पारस खड्कालाई सामाजिक सञ्जालमा अनफलो गरेको भन्दै राष्ट्रिय टोलीका अर्का सदस्य सन्दीप लामिछाने चर्चामा छन् । ट्वीटर र इन्स्टाग्राममा कप्तान खड्कालाई अनफलो गरेपछि सन्दीपमाथि नेपाली क्रिकेट प्रशंसक र फ्यानहरुले विभिन्न आरोप लगाउन थालेका छन्।

    सन्दीपमाथि फ्यानहरुले सन्दीपको ट्वीटरमा मेन्सन गरेर प्रश्न गरेका छन् ‘विदेशी लिग खेले र पैसा कमाए भन्दैमा मान्छे नै नचिन्ने ?’ सामाजिक सञ्जाल ट्वीटरमा मिलन सापकोटा 'ओपोजेटिभ' ह्यान्डलबाट गरिएको प्रश्नमा सन्दीपले जवाफ दिएका छन् ।

    मिलन सापकोटा ह्यान्डलबाट गरिएको एक ट्वीटमा सन्दीप सवाल जवाफमा उत्रिएका हुन् । ट्वीटमा मिलनले लेखेका छन् ‘भनेसी सन्दीप लामिछानेले पारस खड्का दाजुलाई अनफलाे गरेछन् ट्वीटरमा । विवाद के थियो थाहा भएन तर सन्दिपले जे गरे गलत गरे , पैसा कमाए होलान सन्दिपले तर पारस दाजुको लेवलमा आउन वर्सौ लाग्छ ।नेपालीले नै हिराे बनाए सन्दिपलाई , जिराे नि बनाउन सक्छ्न ।’

    उनको ट्वीवट लगत्तै यसबारेमा बहस भएको छ । अर्को एक जनालाई सापकोटाको ह्यान्डलबाट गएको जवाफमा सन्दीप पनि मिसिएका छन् ।सापकोटाले लेखेका छन्,‘त्यहिँ त सधै विवादमा आउँछ सन्दीप । पैसाले मातेको चाहिँ रैछ । मैले सुनेको कि सिपीएलबाट बोलाउँदा रिसाको रे रु’

    त्यसको जवाफ सन्दीप लामिछानेले दिएका छन् । जवाफमा सन्दीप लेख्छन् ‘सुन्नेकुरा धेरै हुन्छ हजुर । कसको सुन्नुहून्छ तपाईले रु म नि हेरुमन कसले भनेको रहेछ कि सिपीएलबाट बोलाउँदा म रिसाए, सत्य कुरा नबुझीकन जे पनि भन्न सजिलो हुन्छ । कति सजिलै तपाईले मलाई जज गर्नु भयो है रु मन सफा हुनुपर्छ हजुर पैसा त आउने जाने कुरा हो ।’

    नेपाली क्रिकेट टोली सिंगापुरमा हुने त्रिकोणात्मक श्रृंखलाका लागि बुधबार सिंगापुर प्रस्थान गरेको छ । सन्दीप भने सीपिएलबाट सिधैं सिंगापुर आएका हुन् । सन्दीपले सामाजिक सञ्जालबाट कप्तान पारस खड्कालाई अनफलो गरेसँगै दुई खेलाडी बीच बिवाद भएको भन्दै फ्यानहरु आक्रोशित बनेका छन् भने उनीहरुले सन्दीपको आलोचना गरिररहेका छन् ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast