सोमबार, जेष्ठ १९, २०७७
    राज्य-समाज

    राष्ट्रसङ्घमा मन्त्री ज्ञवालीको व्यस्त कार्यतालिका

    मंगलवार, ७ असोज २०७६, आहाखबर

    न्युयोर्क, ७ असोज 

    संयुक्त राष्ट्रसङ्घको ७४औँ महासभा बैठकमा सहभागी हुने सिलसिलामा यहाँ रहनुभएका परराष्ट्रमन्त्री प्रदीपकुमार ज्ञवाली आज मङ्गलबार दिनभर राष्ट्रसङ्घीय विविध बैठकहरूमा सहभागी हुँदैहुनुहुन्छ ।
     
    मन्त्री ज्ञवाली  बिहानैदेखि महासभा बैठकको ‘जनरल डिबेट’मा सहभागी हुनुभएको छ भने आजै दिउँसो संयुक्त राष्ट्रसङ्घका महासचिव एन्टोनियो गुटरेसले आयोजना गर्ने राजकीय दिवाभोजमा सरिक हुनुहुनेछ । महासभामा भाग लिन आउनुभएका विश्वका विभिन्न मुलुकका सरकार प्रमुख वा राष्ट्राध्यक्षको सम्मानमा महासचिव गुटरेसले दिवाभोज आयोजना गर्नुभएको हो ।

    आजै साँझ संयुक्त राज्य अमेरिकाका राष्ट्रपति डोनाल्ड ट्रम्पले आयोजना गर्नुहुने स्वागत समारोहमा सहभगी हुनुहुनेछ । चौहत्तरौँ महासभामा भाग लिन आउनुभएका विश्वका विभिन्न मुलुकका सरकार प्रमुख वा राष्ट्राध्यक्षको सम्मानमा राष्ट्रपति ट्रम्पले स्वागत समारोह आयोजना गर्नुभएको हो । आजै अपराह्न मन्त्री ज्ञवालीले भेनेज्वेलाका विदेशमन्त्रीसँग द्विपक्षीय भेटवार्ता गर्ने कार्यक्रम छ ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast