बुधबार, कार्तिक ६, २०७६
    बैंक-बीमा

    जनता बैंकका शेयरधनीलाई बोनस शेयर तथा नगद लाभाँश

    मंगलवार, ७ असोज २०७६, आहाखबर

    काठमाडौं, ७ असोज । 

    जनता बैंक नेपाल लिमिटेडको सञ्चालक समितिको २९१ औं बैठकले आ.ब. २०७५/०७६ मा बैंकले प्राप्त गरेको मुनाफा रकमबाट बोनस शेयर तथा नगद लाभाँश वितरण गर्ने निधो गरेको छ । बैंकले आर्जन गरेको रु. १ अर्ब ३१ करोड ८ लाख ४७ हजार ६ सय ३ रुपैयाँ रहेकोमा सो मध्येबाट यसै वर्षको असार मसान्तमा कायम रहेको चुक्ता पूँजी रु. ८,००,०७,८५,९२५/– को १२ प्रतिशतले हुन आउने रकम ९६ करोड ९४ हजार ३ सय १० रुपैयाँ ९४ पैसा लाभाँश शेयरधनीहरुलाई वितरण गर्ने निर्णय गरेको छ । 

    प्रस्तावित १२ प्रतिशत मध्ये ६ प्रतिशत बोनश शेयर र ६ प्रतिशत नगद लाभाँश वितरण गरिनेछ भने नियमानुसार लाग्ने कर शेयरधनीहरुलाई वितरण गरिने नगद लाभाँशबाट कट्टा गरिने बैंकले जनाएको छ  ।  

    बैंकले प्रस्ताव गरेको बोनस शेयर तथा नगद लाभाँश रकम नेपाल राष्ट्र बैंकबाट स्वीकृत प्राप्त गरी आगामी साधारण सभाबाट पारित भएपछि वितरण गरिने पनि बैंकले विज्ञप्तिमार्फत सुचित गरेको छ । 

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast