बुधबार, असोज २९, २०७६
    धर्म-संस्कृति

    पछि हट्यो सरकार ! राष्ट्रिय गानबिना नै पशुपतिनाथमा गंगा आरती जारी

    आईतवार, ५ असोज २०७६, आहाखबर

    काठमाडौँ, ५ असोज । 

    पशुपतिनाथको मन्दिर तथा आर्यघाटमा हुने गंगा आरतीमा सरकारले दुई साताअघि राष्ट्रिय गान बजाउनैपर्ने दबाब दिएको भए पनि सरकार अघोषित रुपमा लचिलो भएको पाइएको छ ।

    आरतीमा सहभागीहरुले संवेदनशील धार्मिक क्षेत्रमा सरकारले अनावश्यक रुपमा हस्तक्षेप गरेको यसअघि आरोप लगाएका थिए ।  संस्कृति, पर्यटन तथा नागरिक उड्डयन मन्त्री योगेश भट्टराईले विभिन्न स्थानमा राष्ट्रिय गान गाउनुपर्ने आदेश दिएपछि समस्या उत्पन्न भएको थियो ।

    आर्यघाटमा गंगा आरतीमा राष्ट्रिय गान गाउनुपर्ने भनिएपछि सो सम्बन्धी आरती समितिको आकस्मिक बैठकले दुई साताअघि त्यसरी राष्ट्रिय गान गाउनुपर्ने भए आफूले आरती नै स्थगित गर्ने जनाएको थियो । अहिले पछि राष्ट्रिय गान नबजाई आरती भइरहेको छ । 

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast