बुधबार, कार्तिक ६, २०७६
    कला-सौन्दर्य

    बलिउड

    साहो नचलेपछि प्रभास तनावमा, आगामी फिल्मको स्क्रिप्ट नै फेरे !

    शनिबार, ४ असोज २०७६, आहाखबर

    काठमाडौँ, ४ असोज

    ३० अगस्टमा रिलिज भएको प्रभासको फिल्म साहो बक्स अफिसमा अपेक्षा गरेअनुसार सफल हुन सकेन ।

    साहोले बक्स अफिसका यस अघिका सबै रेकर्ड तोड्ने अनुमान गरिएको थियो तर त्यसो हुन सकेन । प्रभासको आगामी फिल्म ‘जान’ निर्माणको क्रममा छ ।

    जसलाई राधा कृष्णाले निर्देशन गरिरहेका छन् ।

    भारतीय सञ्चारमाध्यमहरुका अनुसार साहोको असफलतापछि प्रभासले निर्देशकलाई रोमान्टिक फिलमको स्क्रिप्टमा परिवर्तन गर्न भनेका छन् ।

    समाचारहरुका अनुसार तेलुगू दर्शकलाई साहो खासै मनपरेन तर हिन्दी बजारमा भने फिल्मले राम्रै कमाइ गरेको थियो । हिन्दी भर्सनमा साहोले १ सय करोड कमाएको थियो ।

    अहिले प्रभास कुनै ठूलो हिन्दी फिल्म गर्ने बारेमा सोचिरहेका छैनन् । तर अभिनेताले आगामी रोमान्टिक फिल्म जानका निर्देशकलाई कथामा परिवर्तन गर्न भनेका छन् जसले दर्शकलाई प्रभावित गर्न सकोस् ।

    यो फिल्ममा प्रभासले अभिनेत्री पूजा हेगडेसँग रोमान्स गर्नेछन् । यो फिल्मको २० दिनको सुटिङ सकिएको समाचारहरु सार्वजनिक भएको छ ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast