सोमबार, मंसिर २३, २०७६
    लाइफस्टाइल

    मनसुनी गतिविधि सक्रिय, दिनभर देशभर बलदी र वर्षा

    बुधबार, १ असोज २०७६, आहाखबर

    काठमाडौँँ, १ असोज – 

    हाल देशका अधिकांश क्षेत्रमा सामान्यदेखि पूर्ण बदली भई काठमाडौँसहितका केही स्थानमा मेघ गर्जनसहित हल्कादेखि मध्यम वर्षा भइरहेको छ ।

    मनसुनी न्यून चापीय रेखा, भारतको मध्य प्रदेशको उत्तर पश्चिमी क्षेत्र र उत्तर प्रदेशको दक्षिणी भागमा बनेको निम्न चापीय प्रणाली तथा बंगालबो खाडीबाट आएको जलवाष्प युक्त हावाको प्रभाव कायमै छ ।

    केही दिनदेखि यसकै कारण बलदी र वर्षाको क्रम चलिरहेको छ र बुधबार पनि मौसम बदली तथा वर्षाकै अवस्थामा हुने जल तथा मौसम पूर्वानुमान महाशाखाले जनाएको छ ।

    बुधबार दिनभर देशभरि सामान्यदेखि पूर्ण बदली रही पश्चिम तथा मध्यका धेरै तथा बाँकी क्षेत्रका केही स्थानमा मेघ गर्जन तथा चट्याङ्गसहित हल्कादेखि मध्यम वर्षा हुने मौसमविदले बताएका छन् । थोरै स्थानमा भने ठूलो पानी पर्ने सम्भावना छ ।

    यस्तै राति पनि देशभरि नै सामान्यदेखि पूर्ण बदली हुने सम्भावना छ । विशेष गरी पश्चिम र मध्य क्षेत्रमा सामान्यदेखि पूर्ण तथा पूर्वी क्षेत्रमा सामान्य बदली हुनेछ ।

    राति मध्य र पश्चिमका धेरै र पूर्वका केही स्थानमा हल्कादेखि मध्यम वर्षा हुने सम्भावना छ । 

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast