मंगलवार, मंसिर २४, २०७६
    बैंक-बीमा

    अब तलव लिन बीमा अभिकर्ता, सर्भेयर र कर्मचारीले पनि अनिवार्य प्यान लिनुपर्ने

    बिहिवार, २६ भाद्र २०७६, आहाखबर

    काठमाडौं, २६ भदाै । 

    अब बीमा अभिकर्ता, सर्भेयर र कर्मचारीले पनि प्यान अनिवार्य लिनुपर्ने भएकाे छ । एक व्यक्ति एक प्यान नम्वर अनिवार्य  गर्ने सरकारको नीति अनुरुप बीमा गराउने अभिकर्ताले पनि स्थायी लेखा नम्वर 'प्यान' नम्वर लिनु पर्ने भएको हाे ।

    बीमा समितिले गत आइतवार बीमा कम्पनीहरुलाई परिपत्र गर्दै बीमा क्षेत्रमा काम गर्ने बीमा अभिकर्ता, बीमा कम्पनीका सर्भेयर र कर्मचारीलाई अनिवार्य रुपमा प्यान नम्बर लिन लगाएर मात्रै कमिशन, तलव तथा बोनस भुक्तानी गर्न निर्देशन दिएको छ ।

    नेपाल सरकारले २०७६/ ७७ को बजेट वक्तव्यमा पनि एक व्यक्ति एक स्थायी नम्बर अनिवार्य गरेको थियो । यो सँगै बीमा समतिले पनि बीमा कम्पनीहरुमा आवद्ध सबैलाई प्यानमा आवद्ध हुन  परिपत्र गरेको हो ।

    उक्त परिपत्रमा  आय कर ऐन २०५८ तथा आय कर नियामवली, २०५९ मा स्पष्ट व्यवस्था भए बमोजिम जीवन तथा निर्जीवन र पुर्नबीमा व्यवसाय गर्ने बीमकसँग आवद्ध भएका बीमा अभिकर्ता, बीमा सर्भेयर र कर्मचारीहरुको हकमा प्यान नम्वर अनिवार्य गर्न भनिएको छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast