शुक्रबार, मंसिर २०, २०७६
    सावधान

    वृद्धको भेषमा अमेरिका उड्न लागेका ३२ वर्षिय युवक एयरपाेर्टबाटै पक्राउ

    बिहिवार, २६ भाद्र २०७६, आहाखबर

    काठमाडौं, २६ भदाै ।

    ८१ वर्षे वृद्धको भेषमा अमेरिका उड्न लागेका ३२ वर्षिय भारतीय युवक पक्राउ परेका छन् । एक ३२ वर्षिय भारतीय युवक ८१ वर्षे भेषमा अमेरिका जान लागेको समाचार संस्था सीएनएनले जनाएको हाे ।

    उनलाई अमेरिकी शहर न्यूयोर्कका लागि विमान चढ्न लागेका बेला नक्कली राहदानीका साथ पक्राउ गरिएको अधिकारीहरूले बताएका छन्। ३२ वर्षे जएस पटेललाई भारतको राजधानी नयाँ दिल्लीस्थित इन्दिरा गान्धी अन्तर्राष्ट्रिय विमानस्थलबाट आइतबार पक्राउ गरिएको हो।

    फुलेको दाह्री र मोटो चस्माका साथ पटेलले प्रारम्भिक सुरक्षा जाँच र अध्यागमन विह्वल चेयरमा बसेर पार गरेको स्थानीय सञ्चारमाध्यमले जनाएका छन्। तर उनले सबै अधिकारीहरूलाई झुक्याउन भने सकेनन्।

    दोस्रो सुरक्षा जाँचका बेला उमेरका कारण आफू उभिन नसक्ने बताएपछि उनीमाथि शङ्का बढेको थियो। अधिकारीहरूले राहदानी मागेपछि उनले अम्रिक सिङ नाम रहेको कागजात दिएका थिए। राहदानीमा उनको जन्ममिति फेब्रुअरी १, १९३८ उल्लेख थियो। उनको जन्म दिल्लीमा भएको थियो।

    यात्रुको हुलिया र छाला हेर्दा राहदानीमा उल्लेख गरिएको उमेरसँग मेल खाएजस्तो देखिएपछि सोधपुछ गर्दा उनले हुलिया बदलेको पाइएको इन्डस्ट्रियल सेक्युरिटी फोर्सका प्रवक्ताले बताए ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast