बुधबार, असोज १, २०७६
    अध्यात्म चर्चा

    अध्यात्म र प्रकृति : जीवन जिउने अर्को काइदा

    बुधबार, २५ भाद्र २०७६, - अर्जुन भुसाल.

    काठमाडौँ, २५ भदौ ।

    हामी अहिले बसिरहेको धर्ती कति वर्ष पुरानो हो र यहाँ मानिसको उत्पत्ति कहिले, कसरी र किन भयो भन्ने कुराको एउटै जवाफ भेटिदैन । हुन त यस सन्दर्भमा हजारौं पुस्तक, बिभिन्न लेख सन्दर्भ तथा कैयौं सोध तथा खोजहरु प्रकाशित भैसकेका छन् ।

    इतिहास आफैमा एक जटील विषय भएकाले पुरानो समयकालबारे यथार्थ जानकारी लिन चाहनेहरु सधैं दुविधामा पर्ने गरेको सुनिन्छ । त्यसको कारण के भने इतिहास कोट्याउँदै जाँदा समकालीन अवस्थामा उक्त सन्दर्भमा लेखिएका बिभिन्न फरक फरक तथ्यहरु फेला पर्नु हो । 
    समय, भाषा, शक्तिसंघर्ष, प्रविधिको अविकास लगायतका थुप्रै कारणले गर्दा पनि इतिहासमा भेटिने थुप्रै जानकारीहरुका बीचमा एकरुपता देखिदैन । 

    तसर्थ इतिहासको वास्तविक यथार्थ जान्न चाहने मानिसहरु त्यस विषयमा तयार पारिएका वा त्यससमयमा उपलब्ध विविध सामग्रीकै कारण धेरै पटक दुविधामा परिसकेका हुन्छन् । 

     

    अब के गर्ने त ?

    मानव जाती यस धर्ती वा अझ भनौं समग्र ब्रम्हाण्डको बारेमा समेत थाहा नपाइकन बस्नै सक्तैन । यो प्रमाणित भैसकेको छ की एक मानिससँग कैयौं सामथ्र्य छन् । जुन सामथ्र्य एउटा मानिससँग छ त्यो सामथ्र्य शायदै अन्य प्राणीसँग होला । 

    मानिससँग जुन चेतना छ, त्यसका माध्यमबाट उ अनेकौं क्रियाकलापहरु गर्न सक्तछ । यदि एउटा मानिस आफ्नो सम्पूर्ण सामथ्र्य लगाएर सत्कर्ममा लागेको खण्डमा अनेकौ कार्य सम्भव भएको हामीले पढ्दै आएका हौं । 
    तसर्थ हामीले आफैसँग रहेको त्यो सामथ्र्य र अन्तरचेतनाको खोजीमा लाग्नुपर्छ । समाजमा रहेरै पनि हामी अध्यात्मको बाटोलाई आत्मिक सहाराकोरुपमा सदुपयोग गर्न सक्छौं । 

     

    ध्यानको बाटो कठीन छ ?

    अध्यात्मको बाटो अवश्य कठीन छैन । हामीले आफ्नो शरीरभित्रको अनूभुतिलाई सुक्ष्म तरिकाले महशुश गर्दै त्यसमा आवश्यक ध्यान लगाउँदै हामी आफ्नै इन्द्रियहरुबाट जोगिन सक्छौं । अहिलेको प्रतिश्पर्धी जिवनशैलीमा आम मानिस बिभिन्न खाले समस्याबाट घेरिएको हुन्छ । 
    यस्तो अवस्थामा सबैलाई जितेर पनि स्वयम्लाई नियन्त्रण गर्न उसलाई गाह्रो परिरहेको हुन्छ । यस्तो अवस्थामा केही बेरकै भएपनि आध्यात्मिक चिन्तन तथा त्यसलाई मनन् गर्नाले त्यसको दीर्घकालीन असर अर्थपूर्ण हुन्छ । 

     

    प्रकृतिको नजिक रहनुस्

    मानिसमा पनि प्रकृतिकै अंश रहेको हुन्छ । मानिस प्रकृतिकै एक भाग हो । यही धर्तीले नै मानिसको उत्पत्ति गराएको कुरामा कुनै दुविधा नहोला । त्यसैले त हामी यस धर्तीलाई धर्तीमाताको नामले पुकाछौं । 

    तसर्थ उनै प्रकृतिको उपहाराकोरुपमा रहेका यी हरिया वन, डाँडा काँडा, ती ताल तलैया, नदी, हिमाल, विभिन्न जन्तु, चरा चुरुंगी, जमिन, सुर्य, चन्द्रमा, तारा, बादल, हावा, पानी, माटो आदी सबैको हामीले महशुष गर्न सक्नुपर्छ । 

    यो सबै उनै प्रकृतिको देन भएकाले हामीले यिनको संरक्षण तथा सम्बद्र्धन गर्दै आगामी पुस्तालाई सकुशल हस्तान्तरण गर्नुपर्छ । 

     

    अदृश्य शक्तिको आभाष

    यस संसारमा आजसम्म कैयौं हजारौं पुस्तकहरु तयार पारिए होलान् । सजिलै देख्न सकिने कुरा के भने हाम्रो समाजलाई धर्मबाट अलग गर्न कठीन छ र शायद त्यसको आवश्यकता समेत नहोला । 

    हामीले हरेक धर्मका किताबहरुको अध्ययन गरर्यौं भने त्यहाँ सधै इश्वरको चर्चा वा कुनै अदृश्य शक्तिको चर्चा हुने गर्छ । तसर्थ हामीले यहाँनिर बुझ्नैपर्ने कुरा के भने यस धर्ती पनि एउटा विधानले नै चलेको हुन्छ जसलाई कसैले पनि परिवर्तन गर्न सक्तैन ।
     
    त्यो सत्ता जसको इशारामा यो सृष्टी चल्ने गर्छ उसैको समीपमा रहनै इच्छा कसको पो नहोला ? यसका लागि हामीले आजैदेखि त्यो इश्वरीय शक्तिको महशुष गर्ने यात्रामा आफ्ना कदमहरु चाल्नुपर्नेछ । स्वयम् आफैलाई त्यो इश्वरीय सत्तामा समाहित गर्दै निर्भिक र स्वाभिमानी जिवनपथमा अघि बढ्नु नै हरेकका लागि फलदायी हुन जानेछ । 

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast