बुधबार, असोज १, २०७६
    धर्म-संस्कृति

    संस्कृति तथा पर्यटनमन्त्री भट्टराईलाई निर्देशन फिर्ता लिन दबाब

    मंगलवार, २४ भाद्र २०७६, आहाखबर

    काठमाडौँ, २४ भदौ । 
     पशुपतिनाथस्थित वाग्मती किनारामा साँझ हुने गंगा आरतीअघि राष्ट्रियगान गाउनुपर्ने निर्देशन फिर्ता लिन सरकारलाई गरिएको अनुरोध नसुनिएपछि गंगा आरती सेवा सञ्चालक समितिले त्यसको अवज्ञा गर्ने निर्णय गरेको छ ।
    सोमबार बसेको समितिको आकस्मिक बैठकले यस्तो निर्णय गरेको स्रोतको भनाइ छ ।

    संस्कृति तथा पर्यटनमन्त्री योगेश भट्टराईले गंगा आरतीको प्रारम्भ राष्ट्रिय गानबाट गर्नुपर्ने निर्देशन दिएपछि भदौ १३ बाट आर्यघाटमा हरेक साँझ राष्ट्रिय झण्डा फहराएर राष्ट्रिय गान गाउने गरिएको थियो । आरती हुने स्थान नजिकै मृतकहरूको अन्त्येष्टि हुने र शोकाकुल आफन्त असहज परिस्थितिमा रहेको बेला राष्ट्रिय गान गाउन उचिन नहुने समितिको दाबी छ ।

    ‘पशुपतिनाथको नित्य आरती मूल मन्दिरभित्र हुन्छ, यो सनातनदेखि चल्दै आएको हो, कहिल्यै रोकिँदैन,’ पशुपति क्षेत्र विकास कोषका सदस्यसचिव प्रदीप ढकालले कान्तिपुरसित भने, ‘मन्दिरको आरतीपछि वाग्मती किनारमा गंगा आरती हुन्छ । कोष र पशुपतिनाथ बागमती गंगा आरती परिवारबीचको सहकार्यमा गंगा आरती हुँदै आएको छ ।’

    सरकारको आदेशलाई कोषले अवज्ञा नगर्ने उल्लेख गर्दै सदस्यसचिव ढकालले भने, ‘सहकार्यरहेको संस्थाले एकतर्फी अवज्ञा गरेमा सहमतिप्रति पुनर्विचार गर्नुपर्छ ।’ कान्तिपुरबाट 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast