सोमबार, असोज ६, २०७६
    बिदेश

    ​यमन हवाई आक्रमणमा १ सय भन्दा बढीको व्यक्तिको मृत्यु

    आईतवार, १५ भाद्र २०७६, आहाखबर

    साना, यमन, १५ भदौ

    हुथी विद्रोहीविरोधी कारबाही सञ्चालन गर्दै आएको साउदी अरब नेतृत्वको गठबनधन सेनाले कैदीहरू राखिएको एक केन्द्रमा गरेको हवाई आक्रमणमा १०० जनाभन्दा बढी ब्यक्तिको मृत्यु भएको विश्वास गरिएको अन्तर्राष्ट्रिय रेडक्रस समिति (आइसीआरसी) ले आइतबार जनाएको छ । 

    “हाम्रो अनुमानमा १०० जनाभन्दा बढीको हवाई आक्रमणमा परी मृत्यु भएको छ,” यमनका लागि आइसीआरसीका प्रतिनिधिमण्डलका प्रमुख फ्रेन्ज राउचेन्स्टेनले हवाई आक्रमणस्थलको निरीक्षणपछि एएफपीलाई बताउनुभयो ।

    उहाँले भन्नुभयो, “हवाई आक्रमणमा घाइते भई बाच्न सफल कम्तीमा ४० जनालाई रेडक्रसको सहयोगमा उपचारका लागि स्थानीय अस्पतालहरूमा पठाइएको छ ।”

    यसपहिले साउदी अरब नेतृत्वको गठबन्धन सेनाले आफूले हुथी विद्रोहीको सेना र उसका ‘ड्रोन तथा मिसाइल’ लगायतका बन्दोबस्तीका सामानलाई लक्षित गरी आक्रमण गरेको बताएको छ ।

    तर हुथी टेलिभिजन च्यानल अल–मसिराले भनेको छ, “आक्रमणमा दर्जनौँ मारिएका र केही घाइते भएका छन्” टेलिभिजनमार्फत दिइएको जानकारीमा गठबन्धन सेनालाई उद्धृत गर्दै भनिएको छ, “सात पटक गरिएको हवाई आक्रमणमा विद्रोहीले थुनुवा राख्दै आएको भवनमाथि आक्रमण गरिएको थियो ।”

    आइसीआरसीले आक्रमणस्थल धमार क्षेत्रमा सयौँ स्वास्थ्यकर्मीसहितको सहयोग पढाएको उल्लेख गरेको छ । आइसीआरसी यमनी प्रतिनिधिमण्डलका प्रमुखले घटनास्थलको अवलोकन गरेको बताइएको छ । 

    राउचेन्स्टेनले भन्नुभयो, “भवन भत्किएको छ । भवनको भग्नाबशेषभित्र जीवित व्यक्ति पाइने विश्वासका साथ उद्धारकार्य जारी छ भने मृत शरीरलाई जम्मा गरेर व्यवस्थापन गर्ने काम भइरहेको छ ।” तर घटनास्थललाई नियाल्दा त्यहाँबाट कसैलाई जीवित उद्धार गर्न सकिने सम्भावना क्षीण रहेको उहाँले बताउनुभयो ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast