सोमबार, असोज ६, २०७६
    कृषि-उर्जा

    हात्तीको बथानले गर्यो धानबालीमा क्षति

    बिहिवार, १२ भाद्र २०७६, आहाखबर

    कञ्चनपुर, १२ भदौ

    भीमदत्त नगरपालिका–१५ का आधा दर्जनभन्दा बढी परिवारको धानबालीमा हात्तीको बथानले नोक्सान पु-याएको छ ।तीन दिनअघि शुक्लाफाँटा राष्ट्रिय निकुञ्जबाट निस्केको हात्तीको बथानले गोवरैया क्षेत्रका किसानको धानबालीमा पसेर नोक्सानी गर्दै आएको स्थानीय बासिन्दाको भनाइ छ ।   

    राधाकृष्ण टोलका पार्वती भट्टले खेतमा हात्ती आएपछि ज्यान जोगाउन मुस्किल परेको बताउनुभयो । “घरभित्र थियौँ । बाहिर रूख चुँडेजस्तो आवाज आयो । के भयो भनेर बाहिर आउँदा हात्ती त बारीमा आइसकेका रहेछन्”, उहाँले भन्नुभयो, “बालबालिकासहित भागेर धन्न ज्यान जोगायौँ ।” 

    निकुञ्ज किनारमा रहेको भट्टको कच्ची घर  हात्तीले सहजै रुपमा भत्काउन सक्ने भएकाले भट्ट परिवारलाई ज्यान जोगाउन मुस्किल परेको थियो । तीन वर्षअघि पनि आएको हात्तीको बथानले धानबालीमा क्षति पु-याएको उहाँले बताउनुभयो ।

    उक्त नगरपालिकाका उपप्रमुख सुशिला चन्दले निकुञ्ज किनारका बासिन्दा सधैँ हात्तीको त्रासमा बस्न बाध्य भएकाले स्थायी समाधानका लागि सरकारसित पहल गरिने बताउनुभयो ।“निकुञ्ज किनारमा बर्सेनी हात्तीको त्रास भइरहन्छ । हात्ती नियन्त्रणका लागि समाधानको उपाय नखोजी भएको छैन”, उहाँले भन्नुभयो । 

    “वडाध्यक्ष भीमबहादुर साहुले हात्तीको बथानले आधा दर्जन परिवारको दुई बिघा जमीनमा लगाइएको धानबाली क्षति पु-याएको जानकारीमा आएको र 
     क्षतिपूर्तिका लागि वडा कार्यालयबाट निकुञ्जलाई सिफारिस गरिने बताउनुभयो । दुई दिनअघि सोही नगरपालिकाको वडा नं १८ मा हात्तीको बथानले दुई परिवारको धानबालीमा क्षति पु-याए
     को थियो ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast