आईतवार, असोज ५, २०७६
    बिदेश

    राहुल गान्धीलाई विमानस्थलबाटै दिल्ली फर्काइयाे, जान पाएनन् कश्मिर

    शनिबार, ७ भाद्र २०७६, आहाखबर

    नयाँ दिल्ली, ७ भदाै ।

    विपक्षी नेताहरुको प्रतिनिधिमण्डल लिएर भारत प्रशाशित कश्मीर पुगेका कांग्रेस नेता राहुल गान्धी श्रीनगर विमानस्थलबाट बाहिर निस्कन पाएनन् । श्रीनगर विमानस्थलबाट उनीहरूलाई दिल्ली फिर्ता पठाइएको एएनआईले जनाएकाे छ ।

    यो डिफेन्स एयरपोर्ट भएको भन्दै सञ्चारकर्मीहरुलाई समेत जान रोक लगाइएको थियो । प्रतिनिधिमण्डलमा कांग्रेस नेता गुलाम नबी आजाद, आनन्द शर्मा, सीपीएमका महासचिव सीताराम येचुरी, डीएमकेका नेता तिरुची शिवा, शरद यादव, टीएमसीका नेता दिनेश त्रिवेदी, सीपीआईका महासचिव डी राजा लगायत थिए । उनीहरुले स्थानीयका साथै पार्टीका नेताहरुसँग भेट्न चाहेका थिए तर विमानस्थलबाटै फर्काइएको छ ।

    भारतीय संविधानको अनुच्छेद ३७० लाई निश्प्रभावी बनाएपछि जम्मू कश्मीरलाई केन्द्र शासित दुई प्रदेशमा विभाजन गरिएको छ । त्यहाँ टेलिफोन, मोबाइल, इन्टरनेट लगायत सबै सञ्चार सुविधा बन्द छ र धारा १४४ लागू गरिएको छ ।

    प्रशासनले भने राजनीतिक दलका नेताहरूलाई श्रीनगर उपत्यकाको भ्रमण नगर्न भने पनि पुशासनकाे अनुमतिबीना नै उनीहरू कस्मिरका लागि निस्केका थिए ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast