सोमबार, असोज ६, २०७६
    ओएमजी Omg!

    शालिकराम हत्या प्रकरण : फेरि थपिने रवि लामिछानेकाे म्याद !

    शनिबार, ७ भाद्र २०७६, आहाखबर

    चितवन, ७ भदाै ।

    पत्रकार शालिकराम पुडासैनी हत्या प्रकरणमा अनुसन्धानका लागि हिरासतमा रहेका न्युज २४ का रवि लामिछानेलाई म्याद थप गरी  प्रहरीको हिरासतमै राखिएकाे छ ।

    शालिकराम पुडासैनीले आत्महत्या गर्नुअघि रेकर्ड गरेको भनिएको भिडियोमा उनले रविसहितका तीन जनाका कारण आफू आत्महत्या गर्ने अवस्थामा पुगेको उल्लेख गरेपछि प्ररहीले थप अनुसन्धानको लागि भन्दै अदालतमा १० दिनको समय मागेको थियो । तर अदालते पाँच दिनको समय उपलव्ध गरायो ।

    पाँच दिनको समयभित्र वयान नसकिएको र रिपोर्टहरु नआएको भन्दै प्रहरीले पुन म्याद थपको लागि भन्दै गत मंगलबार रविलाई फेरि अदालतमा पेश गरेको थियो । अदालतले पुन पाँच दिनको समय उपलव्ध गराएको थियो ।यसअनुसार रविको पाँच दिन आज अर्थात शनिवार पूरा भएको छ ।

    सार्वजनिक विदा नपरेको भए प्रहरीले रविलाई आज अदालतमा पेश गर्नु पर्ने थियो । तर विदा परेको कारण रविलाई प्रहरीले अदालतमा पेश गरेन । अब प्ररहरीले भोलि रविसहितका तीन जनालाई अदालत पेश गर्नेछ । सार्वजनिक विदा परेका कारण अदालतले दिएको समय भन्दा पनि एक दिन बढी समय रविले प्रहरी हिरासतमा बस्नु परेको छ ।

    फेरि म्याद थपिने आशंका

    अदालतले दोस्रो पटक म्याद थपेपछि जारी भएको एक अडियोमा रविले आफूलाई पुनः म्याद थप गर्ने आशंका व्यक्त गरेका छन् । पत्रकार टेकनारायण भट्टराईले हिरासतमा रहेका रविसँग गरेको कुराकानी अडियो सार्वजनिक भएको थियो । जसमा रविले आफूलाई विभिन्न वाहनामा पुन म्याद थप्ने योजना रहेको आशंका व्यक्त गरेका थिए ।

    ‘इमेल गरेर उपलव्ध हुने कल डिटेल रिपोर्ट आएन रे !’ रविले अडियोमा भनेका छन्,‘ यस्ता वाहनामा पुन म्याद थपको तयारी भएको छ ।’ प्रहरीको उच्च सुरक्षा श्रोतको दावी अनुसार रवि माथिको थप अनुसन्धान पूरा नभएका कारण अदालतसमक्ष कम्तिमा पाँच दिन समय माग्ने तयारी गरेको छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast