बिहिवार, असोज २, २०७६
    राज्य-समाज

    शालिकराम हत्या प्रकरणमा बाेले धुर्रमुस, भन्छन्- निर्दोष नफसोस्

    बिहिवार, ५ भाद्र २०७६, आहाखबर

    काठमाडौं, ५ भदाैं ।

    पत्रकार शालिकराम पुडासैनी हत्या काण्डमा हास्य कलाकार तथा अभियन्ता सीताराम कट्टेल धुर्मुसले पनि मुख खाेलेका छन् । उक्त प्रकरणमा पक्राउ परेका न्युन २४ का रवि लामीछाने पक्राउ परेकाे साता दिन भइसक्दा पनि धुर्मुुसकाे प्रतिक्रया नआउँदा ुबै यस दिनकाे पर्खाइमा थिए ।

    उनलेे फेसबुकमार्फत चितवनमा मृत फेला परेका पत्रकार शालिकराम पुडासैनीको परिवारले न्याय पाउने गरी निष्पक्ष छानबिन हुनुपर्ने धारणा राखेका छन् । उनले सामाजिक सञ्जाल फेसबूकमा आफ्ना धारणा सार्वजनिक गर्दै सबैको आवाज निष्पक्ष छानबिन भएकोमा जोड दिएका छन् । ‘सबैको आवाज दोषी नउम्कियोस्, निर्दोष नफसोस् भन्ने नै हो, पत्रकार स्व. शालिकराम पुडासैनीको आत्महत्यासँगै भष्ट्राचार, अन्याय, ढिलासुस्ती र अनियमितताका विरुद्ध र दुःखीपीडितहरुको पक्षमा वकालत गर्ने निर्भिक व्यक्तित्व रवि लामिछाने दाइ अनुसन्धानका लागि पक्राउ परेपछि उत्पन्न परिस्थितिले हामी सबै दुःखी बनेको अवस्था हो,’ उनले भनेका छन् ।

    कट्टेलले घटनालाई अतिरञ्जित नबनाई सत्यतथ्य रुपमा छिटोभन्दा छिटो सार्वजनिक गर्न पनि आग्रह गरेका छन् । उनले भनेका छन्, ‘आशा गरौँ, शालिकराम पुडासैनीको परिवारले समेत न्याय पाउने वातावरण सिर्जना गर्न अनुसन्धानमा अब्बल मानिने नेपाल प्रहरी सफल हुनेछ र सत्यको जीत हुनेछ ।’

    पत्रकार शालिकराम पुडासैनी चितवनको कंगारु होटलमा झुण्डिएको अवस्थामा शव फेला परेका थिए । उनले आत्महत्या गर्नु पूर्व रेकर्ड गरेको भनिएको  भिडियोमा रवि लामिछाने, अस्मिता कार्की र युवराज कँडेलका कारण आत्महत्या गर्ने अवस्था बनेको आरोप लगाएका छन् । भिडियो सार्वजनिक भएपछि प्रहरीले तीनै जनालाई अनुसन्धानका लागि भन्दै पक्राउ गरेको थियो । उनीहरुमाथि अनुसन्धान गर्न भन्दै अदालतले प्रहरीलाई दुईपटक गरेर १० दिनको समय उपलब्ध गराएको छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast